Yôhan 1:4 - Nau Brah Ndu Ngơi 2023

⁴ Tâm Păng geh nau rêh, nau rêh nây jêng nau ang ma kon bunuyh.

Bunong Bible Latin Script Cambodian dialect

⁴ Rnha Nau Ngơi nơm tơm nau rêh, nau rêh rnha Nau Ngơi ăn ang ta nuih n'hâm dâng lĕ bunuyh.

Bunong

⁴ រាញា​នាវ​ងើយ​នើម​តើម​នាវ​រេស នាវ​រេស​រាញា​នាវ​ងើយ​អ៝ន់​អាង​តា​នូយ្ស​នហ៝ម់​ទឹង​លែៈ​ឞូនុយ្ស។

Yôhan 1:4 ပူးပေါင်းရင်းမြစ်များ

Nau Mprơ Ơm 49:6

Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 4:16

Phung bunuyh ƀon lan nây gŭ tâm nau ngo. Hŏ saơ jêh nau ang toyh; Jêh ri phung bunuyh gŭ tâm ntŭk gui nau khĭt nkŭm, Hŏ saơ nau ang nchrat.”

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

Yôhan 5:21

Tâm ban ma Mbơ̆ ƀư ăn phung khĭt dâk rêh tay pônây lĕ Kon ăn đŏng nau rêh ma mbu nơm Kon ŭch kơt nây lĕ.

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Yôhan 9:5

Dôl Gâp hôm gŭ ta neh ntu, Gâp jêng nau ang ma neh ntu.”

Kôranh Oh Mon 26:23

nây jêng Brah Krist dơn nau rêh ni, jêh ri jêng nơm dâk rêh tay lor lơn bơh nau khĭt, gay ma nkoch mbơh nau ang ma phung Yuđa tâm ban đŏng ma phung bu năch.”

I Kôrintô 15:45

Nâm bu geh nau nchih: “Bunuyh lor lơn jêng Y-Ađam, hŏ plơ̆ jêng bunuyh rêh,” ƀiălah Y-Ađam nglĕ dŭt jêng brah ăn ma nau rêh.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 5:11

Aơ jêng nau mbơh: Brah Ndu ăn jêh nau rêh n'ho ro ma he, jêh ri nau rêh aơ gŭ tâm Kon Păng.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”