Yôhan 1:17 - Nau Brah Ndu Ngơi 2023

¹⁷ Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Bunong Bible Latin Script Cambodian dialect

¹⁷ Nau vay phung Israel Kôranh Brah lĕ ăn ta Môsê, yơn ma ueh rlau ma nau vay i nây, jêng nau ueh, nau ngăn i Păng lĕ ăn ta Brah Yêsu Krist.

Bunong

¹⁷ នាវ​វៃ​ផូង​អីឆ្រាអែល  ​កោរាញ​ឞ្រាស​លែៈ​អ៝ន់​តា​មោឆេ  យើន​មា​អ្វែស​រាលាវ​មា​នាវ​វៃ​អី​នៃ ជេង​នាវ​អ្វែស នាវ​ងាន់​អី​ពាង់​លែៈ​អ៝ន់​តា​ឞ្រាស​យេឆូ​ក្រីស  ។

Yôhan 1:17 ပူးပေါင်းရင်းမြစ်များ

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 18:37

Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Yôhan 5:45

Lơi mĭn pô aơ Gâp mra phong khân may tanăp Mbơ̆. Bunuyh mra phong khân may jêng Y-Môis, bunuyh nây khân may dơm nau kâp gân.

Yôhan 7:19

Di lĕ Y-Môis ăn nau vay ma khân may? Ƀiălah mâu geh du huê tâm phung khân may djôt prăp nau vay nây ôh? Mâm ƀư khân may joi nau ƀư nkhĭt Gâp?”

Yôhan 8:32

Khân may mra gĭt nau ngăn, jêh ri nau ngăn mra rklaih ma khân may.”

Yôhan 9:29

Hên gĭt Brah Ndu hŏ ngơi jêh đah Y-Môis, ƀiălah bi bunuyh aơ hên mâu gĭt mbah tă păng tât?”

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

Kôranh Oh Mon 7:38

Păng yơh jêng nơm hŏ gŭ jêh ta nklang phung tâm rƀŭn ta bri rdah ndrel ma tông mpăr, nơm ngơi ma păng ta yôk Sinai jêh ri ma phung chô yau he; păng sŏk dơn jêh lĕ nau ngơi rêh gay ăn ma he.

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

II Kôrintô 1:20

Yorlah tâm Păng, lĕ rngôch nau Brah Ndu ton jêng “Geh” da dê. Yor nây, tă bơh Păng đŏng, he lah: “Amen” da dê gay tâm rnê Brah Ndu.

Galati 3:17

Gâp ŭch lah pô aơ: Nau vay, jêng nau văch pakơi nau tâm rnglăp puăn rhiăng pe jât năm, mâu dơi chalơi nau tâm rnglăp Brah Ndu ƀư jêh bơh lor, tâm ban đŏng ƀư roh nau brah nau ton.

Nau Vay Nkah Tay 33:4

Nau vay Y-Môis ntĭnh jêh ma he Jêng drăp ndơn ma lĕ phung Yakôb.

Nau Vay Nkah Tay 4:44

Aơ jêng nau vay Y-Môis mpơl tanăp phung kon Israel:

Nau Vay Nkah Tay 5:1

Y-Môis kuăl rgum lĕ rngôch phung ƀon lan Israel jêh ri lah: “Hơi Israel, iăt hom, lĕ nau vay dăp jêh ri lĕ nau vay ƀư nar aơ gâp ntuh ăn khân may tăng, ăn khân may nti jêh ri blau njrăng ƀư tĭng nâm nau nây.

ហេឞ្រើ 9:22

Tĭng nâm nau vay, ma lĕ rngôch ndơ ƀư kloh ma mham da dê; mâu nkhŭt mham, mâu geh nau yô̆ an ôh.