Yôhan 1:13 - Nau Brah Ndu Ngơi 2023

¹³ jêng phung bunuyh deh mâu di deh tă bơh mham, mâu lah tă bơh nglay săk kơnh, mâu lah tă bơh nau bunuyh ŭch, ƀiălah tă bơh Brah Ndu.

Bunong Bible Latin Script Cambodian dialect

¹³ Bunuyh i nây jêng kon Kôranh Brah, mâu ôh deh tă bơh săk jăn, bơh nau bunuyh kơnh, păng jêng kon tă bơh Kôranh Brah nơm ăn.

Bunong

¹³ ឞូនុយ្ស​អី​នៃ​ជេង​ក៝ន​កោរាញ​ឞ្រាស មោ​អោស​ទែស​តាៈ​ឞើស​ឆាក់​ជាន់ ឞើស​នាវ​ឞូនុយ្ស​កើញ ពាង់​ជេង​ក៝ន​តាៈ​ឞើស​កោរាញ​ឞ្រាស​នើម​អ៝ន់។

Yôhan 1:13 ပူးပေါင်းရင်းမြစ်များ

Nau Ntơm 25:22

Ƀiălah phung kon mpât tâm ndŭl păng rĭ dĭng păng lah: “Mâm ƀư nau aơ tât ma gâp?” Jêh nây păng ôp Brah Yêhôva.

Nau Ntơm 25:28

Y-Isăk rŏng âk lơn ma Y-Êsau yorlah păng ŭch sa puăch bri, bi ma H'Rêbêka rŏng lơn ma Y-Yakôb.

Nau Ntơm 27:33

Y-Isăk hih rhâl, râm sâr săk jăn jêh ri ôp: “Mbu nơm hŏ njŭn jêh puăch bri tât ma gâp jêh ri ăn gâp sa? Êlor ma may sĭt, gâp hŏ sa lĕ jêh ri gâp hŏ ăn nau ueh uĭn jêh ma păng; yor nây păng ăt dơi geh nau ueh uĭn.”

Nau Ntơm 27:4

Jêh nây may ƀư du ntil ndơ sa dŭt kah tĭng nâm gâp ŭch, jêh ri ndơ̆ ăn gâp sa gay ma gâp ăn nau ueh uĭn ma may êlor ma gâp khĭt.”

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Yôhan 3:3

Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

I Kôrintô 3:6

Gâp tăm jêh, Y-Apôlôs djrah dak jêh, ƀiălah Brah Ndu hŏ ƀư văch ma toyh jêh.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:4

Yorlah mbu nơm deh tă bơh Brah Ndu dơi đah neh ntu; nau ƀư ma he dơi đah neh ntu jêng nau he chroh.