Yôel 3:21 - Nau Brah Ndu Ngơi 2023

²¹ Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Yôel 3:21 ပူးပေါင်းရင်းမြစ်များ

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:29

Gâp mra tâm rklaih khân may bơh lĕ rngôch nau ƀơ̆ ƀơch. Gâp mra kuăl ba ƀlê ueh, ăn chăt hon ntop âk jêh ri mâu ăn nau sât ji ngot tât ma khân may.

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Mathay 27:25

Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.