Yôel 2:22 - Nau Brah Ndu Ngơi 2023

²² Hơi phung mpô mpa bri, lơi klach ôh, Yorlah lĕ ndrêch gơ̆ ta bri rdah mra chăt nse jêh, Tơm si mra luh play, Tơm rvi jêh ri tơm krăk ƀâu ăn play âk râk.

Yôel 2:22 ပူးပေါင်းရင်းမြစ်များ

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Mprơ Ơm 65:12

Ƀư ma ndrêch gơ̆ tâm bri rdah ntop ndrêh ueh Jêh ri dor yôk hâk răm troh maak.

Nau Mprơ Ơm 65:13

Ndrêch gơ̆ bêng ma phung biăp, Lĕ rlŭng nkŭm ma ba răch; Lam ntŭk mprơ troh maak.

Nau Mprơ Ơm 67:6

Neh ntu hon geh kao play, Brah Ndu jêng Brah Ndu phung he mra ăn nau ueh lăng ma he.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsêkiêl 36:30

Gâp mra ntop âk kao play jêh ri kao play tă bơh mir gay ma khân may mâu geh nau bêk prêng ta nklang lĕ bri dak bu yor nau sa sât ji ngot.

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Êsêkiêl 36:8

Bi khân may, hơi phung yôk Israel, mra chăt nkeh n'gĭng jêh ri luh play ăn ma phung ƀon lan Israel, yorlah khân păng bơi ma plơ̆ sĭt.

Yônais 4:11

Bi Gâp, mâm dĭng Gâp mâu nhhuach ma ƀon Ninive, yorlah tâm ƀon nây geh rmeh ma du rsen bar rmưn bunuyh mâu gĭt tâm rnglah ôh ti pa ma đah ti pa chiau, ndrel ma âk mpô mpa ta nây hĕ?”

Ndrom Samƀŭt bơh Agê 2:16

pôri mâm ƀư tâm rnôk nây? Lah bu tât ndrel ta du mbŭch ba tâm di bar jât ndơ nhueh, geh knŏng jât dơm; jêh ri lah bu văch ndrel tât ta drŏng păt ndrănh tâm di prăm jât ndơ nhueh geh knŏng bar jât.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

I Kôrintô 3:7

Pôri, bunuyh tăm jêh ri nơm djrah dak mâu ôh jêng khlay, ƀiălah knŏng geh Brah Ndu jêng Nơm ƀư văch ma toyh.