Yêrêmi 9:15 - Nau Brah Ndu Ngơi 2023

¹⁵ Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Yêrêmi 9:15 ပူးပေါင်းရင်းမြစ်များ

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Nau Mprơ Ơm 80:5

May mât rong jêh khân păng ma ƀănh dak măt Jêh ri ăn khân păng nhêt dak măt bêng kachok.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 2:22

Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 49:37

Gâp mra ƀư phung Êlam klach krit tanăp phung rlăng jêh ri tanăp phung joi ŭch nkhĭt khân păng.” Brah Yêhôva lah: “Gâp mra ăn tât nau mhĭk ma khân păng jêng nau Gâp hao ji nuih ngăn, Gâp mra njuăl đao tĭng pakơi kŏ tât Gâp ƀư nkhĭt lĕ khân păng.”

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Nau Nhĭm Vơl 3:19

“Dăn Kôranh Brah kah gĭt ma nau rngot jêh ri nau rêh gâp nsong mblêng, Knŏng tơm si tăng jêh ri play măt tăng.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 29:18

Nar aơ, lơi ăn geh ôh du huê tâm khân may, nđâp lah bu klâu mâu lah bu ur, nđâp lah rnăk vâl mâu lah ndŭl mpôl geh nuih n'hâm chalơi Yêhôva Brah Ndu he gay pah kan ma lĕ brah bơh phung ƀon lan nây. Tâm khân may lơi dĭng geh du mlâm reh deh play khih jêh ri play tăng.

Nau Tâm Mpơl 8:11

Amoh mănh nĕ jêng Gŭn Tăng. Du kô̆ tâm pe phung dak jêng gŭn tăng; âk bunuyh khĭt jêh yor dak tăng aơ, yorlah păng plơ̆ jêng tăng jêh.