Yêrêmi 7:29 - Nau Brah Ndu Ngơi 2023

²⁹ Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Yêrêmi 7:29 ပူးပေါင်းရင်းမြစ်များ

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Yêrêmi 12:7

Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 47:5

Gaxa poih hil bôk Ƀon Askalôn mlo. Ơ phung ƀon lan hôm klen ma Anakim, Ndah nâm jŏ khân ay may mra rek tor săk jăn khân ay may nơm?

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Yêrêmi 6:30

Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Nau Nhĭm Vơl 5:22

Di lĕ May lĕ chalơi jêh hên, Jêh ri ji nuih ma hên hâu ngăn?

Êsêkiêl 19:1

Pôri may rŏ hom nau mprơ rngot ma phung kôranh chiă uănh Israel

Êsêkiêl 28:12

“Hơi kon bunuyh, ƀư hom du nau mprơ rngot ma hađăch Tyre jêh ri ngơi ma hađăch nây pô aơ: Kôranh Brah Yêhôva lah: ‘May jêng du ntil nau rup, Ma nau blau mĭn jêh ri nau ueh rah vah ngăn.

Amôt 5:1

Hơi ngih Israel, iăt hom nau aơ. Aơ jêng nau mprơ rngot gâp nhĭm vơl ma khân may:

Mika 1:16

Ƀư plưn hom bôk jêh ri poih ăn pler, Yorlah phung kon may ŭch rŏng; Di jêh, ƀư plưn hom ma may nâm bu klang, Yorlah khân păng bu nhŭp da dê hăn jêng bu nă tă bơh may!

Mathay 12:39

Păng plơ̆ lah: “Phung ndŭl mpôl ƀai, văng tĭr aơ, joi du ntil nau mbên khlay, ƀiălah mâu mra geh nau mbên khlay êng ma khân may ôh, knŏng nau mbên khlay ma nơm mbơh lor Y-Yôna.

Mathay 16:4

Rnôk djơh mhĭk jêh ri văng tĭr aơ joi du nau mbên khlay; ƀiălah mâu mra geh nau mbên khlay êng ăn ma khân păng ôh, knŏng nau mbên khlay Y-Yôna.” Jêh nây Păng chalơi khân păng jêh ri lŏ hăn.

Mathay 23:36

Nanê̆, Gâp lah ma khân may, lĕ rngôch nau nây mra tât ma phung ndŭl mpôl aơ.”

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Kôranh Oh Mon 2:40

Y-Pêtrôs dŏng âk nau mbơh nkoch gay ma nsŭk nsôr khân păng pô aơ: “Khân may rklaih hom khân may nơm klaih tă bơh phung ndŭl mpôl tih mhĭk aơ!”

Nau Vay Nkah Tay 32:5

Khân păng hŏ ƀư nau mƀruh nklă đah Păng Du noi deh nau ƀơ̆ ƀơch, rôih ko jêh ri nau tih mhĭk, Mâu hôm dơi di ƀư kon Păng.