Yêrêmi 6:25 - Nau Brah Ndu Ngơi 2023

²⁵ Lơi ta luh padih mir ôh, Lơi hăn nsong rŏ trong, Yorlah phung rlăng cheng đao, Srih nau klach krit lam ntŭk.

Yêrêmi 6:25 ပူးပေါင်းရင်းမြစ်များ

II Nau Rêh Jêng 15:5

Tâm rnôk nây, mâu geh du huê nuyh luh mâu lah lăp dơi geh nau đăp mpăn ôh, yorlah lĕ rngôch ƀon lan bơh lĕ bri dak geh nau rŭng răng da dê.

Ndrom Samƀŭt bơh Yôp 18:11

Nau klach krit gŭ jŭm ƀư krit ngăn, Jêh ri tĭng groi pakơi ndơl jâng păng.

Nau Mprơ Ơm 31:13

Gâp tăng âk bunuyh ngơi nchơt; Nau klach krit gŭ jŭm gâp! Khân păng tâm nchră ƀư mhĭk ma gâp, Khân păng ŭch ngroh lơi nau rêh gâp.

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 30:5

“Brah Yêhôva lah: ‘He hŏ tăng jêh bâr nter nau phit phơr Nau klach krit, mâu di nau đăp mpăn ôh.

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 49:29

Bu mra sŏk lơi ngih bok jêh ri mpa rong khân păng, Nđâp ma bok nching jêh ri ndô ndơ, Djôt rdu nđâp ma seh samô khân păng, Bu mra nter huy: ‘Geh nau klach krit nchueng jŭm!’”

Yêrêmi 49:5

Kôranh Brah jêng Brah Yêhôva ma phung tahan, lah: “Aơ, Gâp mra ƀư ăn nau klach krit Tă bơh ăp njônh tât ta may; Ăp nơm tâm khân may, bu mra mprơh jêh ri nchuăt rlet panăp, Mâu geh bunuyh mra rgum phung nchuăt du ôh.

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Yêrêmi 8:15

He gŭ kâp nau đăp mpăn, Ƀiălah mâu saơ nau ueh ngăn tât ôh; Ŭch kâp năng ƀư bah, Knŏng saơ nau krit klach.

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Êsêkiêl 21:17

Hơi kon bunuyh, kuăl hom jêh ri lŭng nter yor ma đao gŭ ta klơ phung ƀon lan Gâp, gŭ ta klơ lĕ rngôch phung kôranh chiă uănh Israel jêng phung hŏ jao jêh ăn ma đao ndrel ma phung ƀon lan Gâp. Yor ri, tap hom tơm blu!

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Luka 19:43

Yorlah mra geh nar, phung rlăng mra bât pôih, nchueng jŭm jêh ri rêt nâp puăn mpeh ma may.