Yêrêmi 6:19 - Nau Brah Ndu Ngơi 2023

¹⁹ Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Yêrêmi 6:19 ပူးပေါင်းရင်းမြစ်များ

Nau Hôr 15:26

Nau mĭn djơh mhĭk jêng nau tâm rmot đah Brah Yêhôva, Ƀiălah nau kloh ueh dơi ƀư ueh nuih n'hâm Păng.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 19:3

May lah hom: ‘Hơi lĕ phung hađăch Yuđa jêh ri phung gŭ ta ƀon Yêrusalem, rkêng hom tôr iăt nau Brah Yêhôva. Brah Yêhôva ma phung tahan, Brah Ndu Israel lah: Aơ, Gâp mra nkhŭt nau mhĭk jŭr ntŭk aơ, kŏ tât mbu nơm tăng nau ngơi nây mra ji tôr,

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 22:29

Ơ neh, neh, neh! Iăt hom nau Brah Yêhôva.

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 4:16

“Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 49:37

Gâp mra ƀư phung Êlam klach krit tanăp phung rlăng jêh ri tanăp phung joi ŭch nkhĭt khân păng.” Brah Yêhôva lah: “Gâp mra ăn tât nau mhĭk ma khân păng jêng nau Gâp hao ji nuih ngăn, Gâp mra njuăl đao tĭng pakơi kŏ tât Gâp ƀư nkhĭt lĕ khân păng.”

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Yêrêmi 6:18

Yor pônây, hơi lĕ bri dak, iăt hom; Hơi lĕ rngôch phung tâm rƀŭn, gĭt hom lĕ nau mra tât ăn ma khân păng.

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Ndrom Samƀŭt bơh Ôsê 10:13

Khân may hŏ chuar jêh djơh mhĭk, Rek nau mâu di, Sa play ma nau mƀruh. Yorlah may rnơm jêh ma trong khân may nơm, Jêh ri tahan may âk ngăn,

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Mika 1:2

Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

Nau Vay Nkah Tay 30:19

Nar aơ, gâp kuăl trôk jêh ri neh jêng nơm mbơh pô aơ gâp hŏ dơm jêh tanăp măt khân may nau rêh jêh ri nau khĭt, nau ueh lăng jêh ri nau rak rtăp. Pôri săch hom nau rêh, gay ma khân may jêh ri noi deh khân may dơi rêh.

Nau Vay Nkah Tay 32:1

Hơi trôk, rkêng tôr iăt hom, gâp mra ngơi, Hơi neh iăt hom lĕ nau ngơi bơh trôm mbung gâp.

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:26

Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”