Yêrêmi 52:27 - Nau Brah Ndu Ngơi 2023

²⁷ Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Yêrêmi 52:27 ပူးပေါင်းရင်းမြစ်များ

II Samuel 8:9

Tơlah hađăch ƀon Hamat, jêng Y-Toi, tăng lư ma Y-Đavit dơi jêh đah lĕ phung tahan Y-Hadadêser,

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

Êsai 24:3

Neh mra jêng hŏng lĕ rngôch jêh ri jêng rngol, Yorlah Brah Yêhôva hŏ lah jêh nau nây.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 20:4

Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 39:10

Bi phung ƀon lan o ach, mâu geh ôh drăp ndơn, pôri kôranh tahan gak Y-Nêbusaradan ăn khân păng gŭ tâm bri Yuđa, ndrel ƀơk ăn ma khân păng đang krăk ƀâu jêh ri mir.

Yêrêmi 39:9

Kôranh phung tahan gak jêng Y-Nêbusaradan nhŭp lĕ rngôch phung ƀon lan hôm klen tâm ƀon, phung hŏ lăp, jêh ri phung ƀon lan hôm klen tâm ƀon nây, djôt leo njêng bu nă tâm bri Babilôn.

Yêrêmi 52:9

Khân păng nhŭp hađăch jêh ri njŭn tât ma hađăch Babilôn, ta ƀon Ribla, tâm bri Hamat. Ta nây, hađăch Babilôn phat dôih hađăch Sêdêkia.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.