Yêrêmi 52:17 - Nau Brah Ndu Ngơi 2023

¹⁷ Phung tahan Kaldê dong nchah lĕ meh n'gâng kông tâm ngih Brah Yêhôva, nđâp ma jâng ndơl jêh ri drŏng dak tâm ngih Brah Yêhôva jêh ri sŏk kông nây djôt leo ma bri Babilôn.

Yêrêmi 52:17 ပူးပေါင်းရင်းမြစ်များ

I Phung Hađăch 7:50

lĕ ngan grưng, katrei nkăp brai ŭnh kađen, khăl, ngan pala dơm buh jêh ri ngan pala dơm ônh rnga ƀư ma mah chrêk da dê; lĕ lăk-lê khan mpông lăp tâm trôm dŭt ngih brah, jêng Ntŭk Dŭt Kloh Ueh, jêh ri mpông luh lăp ngih brah ƀư đŏng ma mah da dê.

II Phung Hađăch 20:17

‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn, mâu hôm geh du ntil ndơ ôh!’ Brah Yêhôva lah kơt nây.

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

Yêrêmi 52:20

Bi ma bar mlâm meh n'gâng, du drŏng dak jêh ri jât ma bar mlâm rup ndrôk ma kông ƀư jâng tâm dâng drŏng dak, ndơ hađăch Salômôn ƀư jêh ma ngih Brah Yêhôva; kông ma lĕ rngôch ndơ nây bu mâu dơi nhueh ôh.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Êsêkiêl 40:49

Nhuang panăp geh nau jong jât met jêh ri dĭ prăm met n'gul. Geh du mlâm ntung gung jât mbak hăn hao nhuang panăp jêh ri kêng meng lĕ jrŏng geh bar meh, ăp pŭng du n'gâng.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.