Yêrêmi 51:64 - Nau Brah Ndu Ngơi 2023

⁶⁴ jêh nây lah: ‘Ƀon Babilôn mra ngâm tâm ban pônây jêh ri mâu mra dơi ntoh đŏng ôh, yorlah nau mhĭk Gâp ƀư mra tât ma păng. Khân păng mra cha lôt.’” Nau ngơi Y-Yêrêmi dŭt aơ.

Yêrêmi 51:64 ပူးပေါင်းရင်းမြစ်များ

Ndrom Samƀŭt bơh Yôp 31:40

Pôri ăn pôm lok hon ntrok ba ƀlê, Jêh ri gơ̆ mhĭk ntrok ma ba ôrgơ!” Tât ta aơ nau Y-Yôp ngơi lôch jêh.

Nau Mprơ Ơm 72:20

Lĕ nau mbơh sơm Y-Đavit kon bu klâu Yêsê lôch dŭt aơ.

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Êsai 47:13

Ay rgănh jêh ma nau ay tâm nchră âk; Ăn phung uănh trôk, phung sek mănh, phung sek khay mhe, Gay ma nchroh nau mra tât tâm nar kăndơ̆; Aƀaơ, dâk hom jêh ri rklaih ay Bơh lĕ nau mra tât ma ay.

Yêrêmi 13:4

“Doh lơi hom rse vân bŭt may hŏ rvăt jêh ri dôl vân ta bŭt, hăn ro tât ta kơh dak krong Ơphrat jêh ri pôn tâm nđa lŭ ta nây.”

Yêrêmi 19:10

Jêh nây may dong nchah yăng tanăp phung bunuyh hăn ndrel ma may,

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 51:42

Dak Mƀŭt lip bŭk jêh bri Babilôn, Lĕ nau rbuh dak ji nuih nkŭm ngâm păng.

Yêrêmi 51:58

Brah Yêhôva ma phung tahan lah: “Mpêr ƀon nâp ƀon Babilôn Bu mra ƀư lâng, Mpông ƀon prêh păng Mra ŭnh sa. Nây jêng, phung ƀon lan hŏt r'ah mâu geh du ntil ndơ, Lĕ rngôch bri dak pah kan ăn ma ŭnh jêh ri hŏt rgănh da dê.”

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Êsêkiêl 28:19

Lĕ rngôch phung gĭt năl may tâm phung ƀon lan Mra geh nau krit ngăn ma may. May jêng du ntil nau krit toyh, Jêh ri may mra n'ho ro mâu hôm đŏng ôh.’”

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

Nau Tâm Mpơl 14:8

Du huê tông mpăr êng, jêng nơm rơh bar tĭng groi pakơi, lah pô aơ: “Ƀon Babilôn dŭt toyh rlâm rai jêh, rlâm rai jêh! Păng ƀư ăn lĕ rngôch bri dak nhêt ndrănh pâl rlưn rlau keh păng mâu jan tĭng nau vay.”

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.