Yêrêmi 51:58 - Nau Brah Ndu Ngơi 2023

⁵⁸ Brah Yêhôva ma phung tahan lah: “Mpêr ƀon nâp ƀon Babilôn Bu mra ƀư lâng, Mpông ƀon prêh păng Mra ŭnh sa. Nây jêng, phung ƀon lan hŏt r'ah mâu geh du ntil ndơ, Lĕ rngôch bri dak pah kan ăn ma ŭnh jêh ri hŏt rgănh da dê.”

Yêrêmi 51:58 ပူးပေါင်းရင်းမြစ်များ

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Êsai 47:13

Ay rgănh jêh ma nau ay tâm nchră âk; Ăn phung uănh trôk, phung sek mănh, phung sek khay mhe, Gay ma nchroh nau mra tât tâm nar kăndơ̆; Aƀaơ, dâk hom jêh ri rklaih ay Bơh lĕ nau mra tât ma ay.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:64

jêh nây lah: ‘Ƀon Babilôn mra ngâm tâm ban pônây jêh ri mâu mra dơi ntoh đŏng ôh, yorlah nau mhĭk Gâp ƀư mra tât ma păng. Khân păng mra cha lôt.’” Nau ngơi Y-Yêrêmi dŭt aơ.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Nau Nhĭm Vơl 5:5

Phung tĭng lĕ ban jêh hên mpet trô ko hên; Hên rgănh huăr jêh mâu geh rlu ôh!

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?