Yêrêmi 51:57 - Nau Brah Ndu Ngơi 2023

⁵⁷ Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Yêrêmi 51:57 ပူးပေါင်းရင်းမြစ်များ

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Yêrêmi 50:30

Yor nây, tâm nar nây, phung bu klâu ndăm păng mra cha lôt tâm nkual toyh; lĕ rngôch phung tahan păng mra gŭ rklăk.” Brah Yêhôva lah pônây.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Êsêkiêl 20:33

Kôranh Brah Yêhôva lah: ‘Tĭng nâm Gâp gŭ rêh mro mrăng, Gâp mra sŏk ti ktang jêh ri yơr nting tur ti, nkhŭt nau ji nuih gay chiă uănh khân may!

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Nahum 3:18

Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Nau Tâm Mpơl 18:9

Lĕ rngôch phung hađăch ta neh ntu, đơ phung bunuyh ƀư tih văng tĭr jêh ri gŭ rêh dŭt ndrŏng dŭt maak đah păng, mra nhĭm nhhiăng, lŭng nter tơlah khân păng saơ nhhŭk ŭch sa păng.