Yêrêmi 51:56 - Nau Brah Ndu Ngơi 2023

⁵⁶ Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Yêrêmi 51:56 ပူးပေါင်းရင်းမြစ်များ

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Nau Mprơ Ơm 37:15

Ƀiălah đao khân păng mra ntâp tâm nuih n'hâm khân păng nơm Jêh ri na khân păng bu mra nkê̆ch pă.

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Mprơ Ơm 76:3

Ta ntŭk nây, Păng nkê̆ch pă lơi lĕ hăr ŭnh, Khêl, đao jêh ri ndơ tâm lơh. (Sêla)

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Yêrêmi 49:35

Brah Yêhôva ma phung tahan lah: “Aơ, Gâp mra nkê̆ch lơi na bri Êlam jêng tơm nau dăng ktang păng.

Yêrêmi 50:10

Bu mra ƀư rai pit in phung Kaldê, ma phung pit in păng mra dơi hơm răm ngăn”. Brah Yêhôva lah pônây.

Yêrêmi 50:36

Ăn geh tak đao tât ma phung nơm mbơh lor nklă, Ƀư ma khân păng jêng nơm rluk! Ăn pêh đao tât ma phung tahan janh ktang, Ƀư ma khân păng klach krit!

Yêrêmi 51:24

“Ƀiălah tra năp khân may, Gâp mra mplơ̆ sĭt ma Babilôn jêh ri phung gŭ tâm bri Kaldê ma ăp ntil nau mhĭk khân păng hŏ ƀư jêh tâm ƀon Siôn.” Brah Yêhôva lah pônây.

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Yêrêmi 51:48

Nôk nây, trôk, neh jêh ri ăp ntil ndơ tâm nây Geh bâr troh maak ma Babilôn Yorlah phung ƀư rai tă bơh mpeh pa lơ Văch tât ƀư rai păng.” Brah Yêhôva lah pônây.

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Nau Nhĭm Vơl 3:64

Ơ Brah Yêhôva, May mra plơng bôk khân păng Tĭng nâm kan ti khân păng ƀư.

Êsêkiêl 39:3

Gâp mra lơh ăn tŭp lơi na may tă bơh ti pa chiau jêh ri ƀư ăn tŭp lơi hăr may tă bơh ti pa ma.

Êsêkiêl 39:9

Rnôk nây, phung gŭ tâm ăp ƀon Israel mra hăn luh gay su ndơ jêh ri jao ma ŭnh lĕ ndơ dŏng tâm lơh, khêl toyh jêh ri khêl jê̆, na jêh ri hăr, tak jêh ri jôih. Khân păng mra djôt sĭnh ŭnh lĕ ndơ nây tâm pơh năm.

Amôt 2:15

Nơm van na mâu mra dâk nâp ôh; Jêh ri bunuyh nchuăt prăl mâu mra dơi der ngai păng nơm ôh; Bunuyh ncho seh kŏ mâu dơi rklaih lĕ păng nơm.

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Habakuk 2:8

Yorlah may hŏ pit in jêh ndô ndơ âk bri dak ƀaƀă Yor ri lĕ rngôch bơh phung ƀon lan hôm e mra pit in ndơ may, Yorlah may hŏ ƀư pling jêh mham bunuyh, Jêh ri yor nau may ƀư mhĭk hŏ ƀư jêh ma bri neh, Ma ƀon toyh jêh ri ma lĕ rngôch phung gŭ tâm păng.

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;

Nau Tâm Mpơl 17:16

Jât mlâm nke may saơ jêh jêh ri mpô mpa dŭt janh mra tâm rmot ma bu ur văng tĭr. Khân păng mra chalơi jêh ri ƀư ma păng gŭ rhôk; khân păng mra sa puăch bu ur văng tĭr jêh ri gŭch păng tâm ŭnh.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

I Samuel 2:4

Na phung tahan janh ktang lĕ đoh jêh, Ƀiălah phung ra-ai vân nau ktang.