Yêrêmi 51:46 - Nau Brah Ndu Ngơi 2023

⁴⁶ Khân may lơi ta rdja nuih, lơi ta klach ôh Tanăp nau mbơh tâm bri dak, Yorlah tâm năm aơ geh du nau mbơh tât, Jêh nây tâm năm pakơi geh nau mbơh êng; Nau ktang lam tâm n'gor, Nau dăng ktang aơ tât ma nau dăng êng.

Yêrêmi 51:46 ပူးပေါင်းရင်းမြစ်များ

II Phung Hađăch 19:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng.’”

II Nau Rêh Jêng 20:23

Phung Ammôn jêh ri phung Môap dâk tâm lơh đah phung gŭ ta klơ yôk Sêir jêh ri ƀư rai lĕ khân păng. Lah ƀư rai jêh phung tahan gŭ ta Sêir, khân păng plơ̆ sĭt tâm ntâp nkhĭt ndrăng khân păng nơm.

Ndrom Samƀŭt bơh Yôp 23:16

Brah Ndu ƀư ăn nuih n'hâm gâp hươi ngăn, Nơm Geh Lĕ Nau Brah ƀư ăn gâp klach krit.

Nau Hôr 24:10

Tơlah may rdja nuih tâm nar rêh ni, Pôri n'hâm suan may lĕ huơi ngăn jêh!

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Yêrêmi 46:27

“Ơ phung oh mon Gâp jêng Yakôb, lơi klach ôh! Ơ phung Israel, lơi ta klach krit ôh! Yor aơ, Gâp mra rklaih may bơh ntŭk ngai ngăn, Jêh ri noi deh may tă bơh jêng bu nă. Phung Yakôb mra plơ̆ sĭt tay jêh ri gŭ ueh đăp mpăn, Mâu hôm klach krit bu ôh.”

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Luka 21:28

Tơlah nau nây ntơm tât geh, dâk sŏng hom, n'gơr hom, yorlah nau tâm rklaih khân may dôl văch dăch.”

Phung Kôranh Phat Dôih 7:22

Tâm nôk pe rhiăng phung uh nŭng, Brah Yêhôva ƀư ăn phung rlăng tâm lam rmlak tahan ăn đao ăp nơm tâm ntâp nkhĭt ndrăng băl păng nơm, jêh nây nchuăt du tât ta ƀon Bet-Sita, mpeh n'gor Sêrêra, kŏ tât ta n'har Abel-Mêhôla dăch Tabat.