Yêrêmi 51:30 - Nau Brah Ndu Ngơi 2023

³⁰ Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Yêrêmi 51:30 ပူးပေါင်းရင်းမြစ်များ

Nau Mprơ Ơm 107:16

Yorlah Păng ƀư chah jêh mpông pêr kông Jêh ri nkê̆ch lơi lĕ mâng loih.

Nau Mprơ Ơm 147:13

Yor Păng hŏ ƀư nâp jêh mâng nđăng mpông pêr may, Jêh ri ăn nau ueh uĭn ma phung kon may ta nklang may.

Nau Mprơ Ơm 76:5

Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 51:32

Lĕ mbong dak lĕ bu sŏk da dê jêh, Lĕ tŭk djut rpho treng lĕ ŭnh sa jêh, Phung tahan klach nsâr ngăn.”

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Amôt 1:5

Gâp mra nkê̆ch lơi rnăng nđăng mpông ƀon Damas; Gâp mra ƀư rai phung ƀon lan gŭ tâm rlŭng Aven, Jêh ri nơm djôt mâng jra hađăch luh bơh Bet-Êđen; Bi ma phung ƀon lan Aram mra jêng bu nă ta n'gor bri Kir” Brah Yêhôva lah pônây.

Nahum 3:13

Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”