Yêrêmi 51:29 - Nau Brah Ndu Ngơi 2023

²⁹ Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Yêrêmi 51:29 ပူးပေါင်းရင်းမြစ်များ

Êsai 14:16

Đơ phung saơ may Mra njrăng uănh may jêh ri ôp: “Di lĕ bunuyh aơ jêng nơm hŏ ƀư rplay neh n'găr mpât, Ƀư mpât n'gơ ma lĕ bri dak,

Êsai 24:20

Neh ndĭt ndĭu tâm ban ma bunuyh nhŭl ndrănh, Păng n'gơ tâm ban ma ndưp ja; Nau tih păng ƀư jâk păng, Jêh ri păng mra prah, mâu hôm dâk ôh!

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 50:13

Yor nau Brah Yêhôva ji nuih, mâu mra geh ôh bunuyh tât gŭ ta ntŭk păng, Lĕ rngôch jêng rngot njăp da dê; Mbu moh hăn rgăn ma bri Babilôn hih rhâl da dê Jêh ri gơm mưch ma nau sôt rmanh păng.

Yêrêmi 50:36

Ăn geh tak đao tât ma phung nơm mbơh lor nklă, Ƀư ma khân păng jêng nơm rluk! Ăn pêh đao tât ma phung tahan janh ktang, Ƀư ma khân păng klach krit!

Yêrêmi 50:43

Tăng lư nau nây, Ti jâng hađăch Babilôn hươi ra ai ngăn, Nau klach krit rêt nâp ta păng Ƀư ma păng ji kruăn rêt nâm bu ur ji deh.

Yêrêmi 50:45

Pônây iăt hom nau Brah Yêhôva ŭch ƀư hŏ nkra gay phat dôih ma ƀon Babilôn jêh ri nau păng ŭch mĭn hŏ ndâk gay phat dôih ma phung Kaldê: Nđâp ma mpô mpa jê̆ lê̆ tâm phung biăp bu mra têk leo, ntŭk ndrêch gơ̆ khân păng jêng rngot njăp klach ngăn.

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 51:26

Bu mâu mra dơi sŏk tă bơh may du rplay lŭ dơm ta njônh ngih Mâu lah rplay lŭ mbon, Ƀiălah may mra jêng ntŭk rngot njăp ƀaƀơ n'ho ro.” Brah Yêhôva lah pônây.

Yêrêmi 51:28

Rơm ndrăp hom lĕ bri dak hăn tâm lơh đah păng, Nây jêng phung hađăch bri Mêdơ, ndrel ma phung kôranh toyh, phung kôranh păng chiă uănh, Jêh ri lĕ rngôch bri khân păng chiă uănh!

Yêrêmi 51:37

Ƀon Babilôn mra jêng du mbŭch ndơ djơh rai, Jêng trôm so bri, Jêng ntŭk ƀơ̆ ƀơch jêh ri ndơ gơm ma lĕ rngôch bunuyh, Mâu geh bunuyh gŭ ôh.

Yêrêmi 51:43

Lĕ ƀon păng hŏ jêng nau klach krit ngăn, Jêng du n'gor bri sơh, bri rdah, N'gor bri mâu geh bunuyh gŭ ôh, Mâu geh du huê bunuyh prot rgăn.

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Amôt 8:8

Neh mra rung răng yor nau kan nây lĕ? Jêh ri lĕ rngôch ƀon lan gŭ ta nây mâu mra nhĭm nhhiăng lĕ? Lĕ bri neh mra hao ler lip nâm bu dak krong Nil, Păng mra mpât n'gơ jêh ri rhuh hŭch nâm bu dak krong n'gor bri Êjipt nây lĕ.”

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.