Yêrêmi 51:28 - Nau Brah Ndu Ngơi 2023

²⁸ Rơm ndrăp hom lĕ bri dak hăn tâm lơh đah păng, Nây jêng phung hađăch bri Mêdơ, ndrel ma phung kôranh toyh, phung kôranh păng chiă uănh, Jêh ri lĕ rngôch bri khân păng chiă uănh!

Yêrêmi 51:28 ပူးပေါင်းရင်းမြစ်များ

Nau Ntơm 10:2

Phung kon bu klâu Y-Japhet jêng Y-Gômer, Y-Magôk, Y-Madai, Y-Javan, Y-Tubal, Y-Mêsek, jêh ri Y-Tiras.

I Nau Rêh Jêng 1:5

Phung kon bu klâu Y-Japhet jêng Y-Gômer, Y-Magôk, Y-Madai, Y-Javan, Y-Tubal, Y-Mêsek, jêh ri Y-Tiras.

Êsther 1:3

Tâm năm rơh pe păng chiă uănh, păng nkra du nau nhêt sông toyh ma lĕ rngôch kôranh chiă uănh păng jêh ri phung oh mon păng. Phung kôranh tahan n'gor bri Persi jêh ri n'gor Mêdơ, phung ndrŏng nđâp ma phung kôranh chiă uănh n'gor gŭ panăp păng da dê.

Êsther 10:2

Lĕ rngôch kan nau dơi, nau ktang hađăch jêh ri nau hađăch n'hao jêh ma Y-Môrdêkai, mâu di hĕ lĕ rngôch nau n'hao nây bu nchih da dê tâm ndrom samƀŭt nau rêh jêng hađăch ma phung hađăch bri Mêdơ jêh ri Persi?

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 25:25

lĕ rngôch hađăch Simri, lĕ rngôch hađăch Êlam, lĕ rngôch hađăch Mêdơ;

Yêrêmi 50:41

Aơ, geh du ndŭl mpôl bunuyh văch tă bơh mpeh pa lơ; Du bri dak toyh ktang jêh ri âk hađăch Hao ntoh tă bơh nglĕ dŭt rplay neh.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Daniel 6:1

Hađăch Darius tâm nal sâm dơm ăn du rhiăng bar jât bunuyh kôranh nkual gay chiă uănh lam ƀon bri hađăch,

Daniel 6:8

Aƀaơ aơ, ơ hađăch ƀư hom nau buay nây jêh ri nchih amoh tâm samƀŭt gay ma nau vay mâu dơi rgâl ôh tĭng nâm nau vay phung Mêdơ jêh ri phung Persi nây.”

Daniel 8:20

Biăp nkuăng may saơ jêh geh bar mlâm nke jêng phung hađăch Mêdơ jêh ri hađăch Persi.

Daniel 9:1

Năm rơh nguay hađăch Darius chiă uănh, kon bu klâu Y-Asuêrus, jêng ndŭl mpôl phung Mêdơ, nơm bu njêng dơi chiă uănh ƀon bri hađăch phung Kaldê;