Yêrêmi 51:27 - Nau Brah Ndu Ngơi 2023

²⁷ “N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 51:27 ပူးပေါင်းရင်းမြစ်များ

Nau Ntơm 10:3

Phung kon bu klâu Y-Gômer jêng Y-Askênas, Y-Ripat, jêh ri Y-Tôgarma.

Nau Ntơm 8:4

Tâm nar jât mpơh, khay pơh, kumpăn nsrŭng ta yôk Ararat.

II Phung Hađăch 19:37

Du nar, hađăch Sênakêrip dôl chon mon mbah brah păng tâm ngih brah Nirok, phung kon bu klâu păng jêng Y-Adramêlek jêh ri Y-Sarêser sŏk đao nkhĭt păng, jêh nây hăn du rlet n'gor Ararat. Kon păng jêng Y-Êsarhadôn chiă uănh thoi ntrok păng.

I Nau Rêh Jêng 1:6

Phung kon bu klâu Y-Gômer jêng Y-Askênas, Y-Diphat jêh ri Y-Tôgarma.

Êsai 18:3

Ơ lĕ rngôch phung gŭ tâm neh ntu, Jêng phung rêh ta klơ neh! Lah bu n'hao jêh n'ha kơ ta klơ yôk, Ăn khân may uănh hom! Lah bu uh nŭng, Ăn khân may iăt!

Êsai 37:38

Du nar, nôk hađăch Sênakêrip dôl chon mon mbah brah păng nơm tâm ngih brah Nirok, phung kon bu klâu hađăch jêng Y-Adramêlek jêh ri Y-Sarêser sŏk đao nkhĭt hađăch, jêh nây hăn du rlet n'gor Ararat. Kon hađăch jêng Y-Êsarhadôn chiă uănh thoi ntrok păng.

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 46:23

Brah Yêhôva lah: “Phung rlăng kăl ƀư rai krŏng păng, Nđâp lah bri nây krŏng mbâl, Yorlah khân păng jêng âk lơn ma phung krah ndrach, Mâu dơi kơp ôh.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:12

Yơr hom kơ nau mbên, Hăn tâm lơh lĕ mpêr ƀon Babilôn! Ntop hom phung gak, Ndâk pôih gak, tâm pă phung tahan kâp lơh! Yorlah Brah Yêhôva hŏ nkra jêh nau Păng ŭch ƀư Nau Păng hŏ lah ma phung ƀon lan gŭ tâm bri Babilôn.

Yêrêmi 51:14

Brah Yêhôva ma phung tahan ton săk êng ma Păng nơm: N'hêl nanê̆ Gâp mra ƀư ma phung tahan âk nâm bu krah ndrach tâm lơh đah may; Khân păng troh nter nau dơi tâm lơh.

Yêrêmi 51:28

Rơm ndrăp hom lĕ bri dak hăn tâm lơh đah păng, Nây jêng phung hađăch bri Mêdơ, ndrel ma phung kôranh toyh, phung kôranh păng chiă uănh, Jêh ri lĕ rngôch bri khân păng chiă uănh!

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yôel 3:9

Mbơh hom nau aơ ta nklang lĕ bri dak: Ndrăp hom ma nau tâm lơh, Nsônh hom phung tahan janh ktang. Lĕ rngôch phung tahan tâm lơh hăn văch tât hom jêh ri rduh hom tâm lơh!

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Sakari 14:2

Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.

Phung Kôranh Phat Dôih 6:5

Khân păng văch hao djôt leo lĕ mpô mpa rong jêh ri ndâk ngih bok dŭt âk nâm krah ndrach, mâu dơi kơp ôh bunuyh nđâp ma seh samô. Khân păng pit in jêh ri ƀư rai ntŭk gŭ.