Yêrêmi 50:46 - Nau Brah Ndu Ngơi 2023

⁴⁶ Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 50:46 ပူးပေါင်းရင်းမြစ်များ

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 46:12

Lĕ bri dak tăng lư da dê jêh nau bêk prêng khân ay may, Nau nhhiăng nhĭm ay may lam bri neh ntu; Yorlah nơm dăng ktang chêh prah đah nơm dăng ktang Lĕ bar hê cha lôt ndrel n'grŭp.”

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 49:21

Nau nteh rlâm tŭp khân păng ƀư neh ntu mra n'găr, nau nter khân păng tât ta Dak Mƀŭt Chăng.

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Yêrêmi 51:54

“Iăt hom nau vah vơl tă bơh Babilôn, Nteh nau ƀư rai dŭt krit kir bơh bri phung Kaldê!

Êsêkiêl 26:18

Aƀaơ ri, lĕ gôl dak mƀŭt râm nsâr Tâm nar may lĕ rlâm rai nchah Jêh ri lĕ gôl dak mƀŭt mra klach krit ngăn Ma nau may rai lôch!’”

Êsêkiêl 27:28

Yor tăng bâr phung ƀĭt gai may nter, Lĕ ndrêch gơ̆ chiau meng may râm nsâr da dê.

Êsêkiêl 31:16

Gâp ƀư ma phung ntil mpôl bunuyh râm nsâr tăng nteh păng rlâm rai, tơlah Gâp klŭp mƀăr păng ma ƀon phung khĭt ndrel ma phung jŭr tâm ntu jru! Rnôk nây, lĕ rngôch tơm si n'gar Êđen, lĕ rngôch tơm si ueh ngăn, Liban săch jêh, lĕ rngôch tơm si saơm dơi geh âk dak djrah, dơi geh nau bonh leng da dê ta ntu jru tâm dâng neh.

Êsêkiêl 32:10

Gâp mra ăn âk phung ƀon lan geh nau klach krit yor may, Jêh ri phung hađăch khân păng mra râm nsâr yor may, Tơlah Gâp yơr đao tanăp măt khân păng. Tâm nar may rlâm tŭp jêh, Lĕ rngôch bunuyh klach da dê ăp nar ăp mông Mĭn rvê ma nau rêh păng nơm.’