Yêrêmi 50:42 - Nau Brah Ndu Ngơi 2023

⁴² Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 50:42 ပူးပေါင်းရင်းမြစ်များ

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 74:20

Ăn May uănh tât ma nau May tâm rnglăp, Yorlah lĕ ntŭk ngo klĕng tâm neh ntu jêng ntŭk bêng nau tŭn jot.

Êsai 14:6

Jêng phung mâu rlu dong phung ndŭl mpôl bunuyh Tâm nau ji nuih Chiă uănh lĕ bri dak tâm nau ji nuih, Jêh ri nau ƀư mhĭk mâu geh nơm dơi king ôh.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 47:3

Nteh nchop jâng seh lơ hâu, Nteh ndeh seh drơu drơu, nteh jâng ndeh ngŭr drưh, Jâng ti me mbơ̆ hươi ra ai ngăn Mâu hôm plơ̆ uănh ma phung kon.

Yêrêmi 50:14

Ơ phung khân may jêng nơm van na! Dăp hom phung tahan nchueng jŭm Babilôn; Pănh hom păng, lơi nhhuach lĕ chiông hăr Yorlah păng hŏ ƀư tih jêh đah Brah Yêhôva.

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Êsêkiêl 26:3

Yor nây, Kôranh Brah Yêhôva lah: ‘Hơi ƀon Tyre! Aơ, Gâp mra tâm rdâng đah may. Gâp mra leo âk bri dak dâk tâm lơh đah may nâm bu dak mƀŭt geh âk rbuh ktang.

Yôel 2:5

Khân păng ta lô̆ nsăt ta klơ yôk tăng nâm bu nteh ndeh seh, Nâm bu nteh rtoh ŭnh sa rhe; Nâm bu du phung tahan ktang ndrăp hăn ta ntŭk tâm lơh.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”