Yêrêmi 50:4 - Nau Brah Ndu Ngơi 2023

⁴ Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 50:4 ပူးပေါင်းရင်းမြစ်များ

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Nau Mprơ Ơm 105:4

Joi hom Brah Yêhôva jêh ri nau brah Păng, Joi hom muh măt Păng ƀaƀơ!

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Yêrêmi 31:31

Brah Yêhôva lah: “Aơ, lĕ nar mra tât, Gâp mra ƀư nau tâm rnglăp mhe đah ngih Israel jêh ri đah ngih Yuđa.

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Yêrêmi 41:6

Y-Ismaêl, kon bu klâu Y-Nêthania, tă bơh Mispa luh vơt khân păng, n'ho hăn n'ho ma nhĭm. Dôl mâp khân păng, Y-Ismaêl lah: “Dăn lĕ rngôch khân may lăp mâp đah Y-Gêdalia, kon bu klâu Y-Ahikam.”

Êsêkiêl 16:61

Tơlah sŏk dơn phung nur ay jêh ri oh ay, ay mra kah gĭt ma trong ay hăn mra bêk prêng ngăn. Rnôk nây, Gâp mra jao khân păng ƀư kon bu ur ay ƀiălah mâu tĭng ôh nau tâm rnglăp đah ay.

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Yakơ 4:9

rngot rvê hom, nter lŭng hom, nhĭm nhhiăng hom; rgâl hom gơm jêng nhĭm, rgâl hom maak jêng nau rngot klâng.