Yêrêmi 50:38 - Nau Brah Ndu Ngơi 2023

³⁸ Ăn prăng phang ta klơ n'hor dak krong, Ƀư ma khân păng suăt kro! Yorlah bri nây bêng ma rup trah, Khân păng rluk yor rup brah.

Yêrêmi 50:38 ပူးပေါင်းရင်းမြစ်များ

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsai 44:27

Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Yêrêmi 50:12

Yor nây mê̆ khân may mra prêng ngăn, Bu deh ma khân may mra bêk prêng ngăn ngên. Ri, păng jêng nglĕ dŭt tâm lĕ bri dak, Du bri rdah, du bri kro đang, du ntŭk rngol.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Yêrêmi 51:52

Yor nây, Brah Yêhôva lah: “Aơ nar mra tât, Gâp mra phat dôih lĕ rup brah Babilôn Lam tâm bri păng, Đơ phung sôt rmanh mra rđêng nđor.

Yêrêmi 51:7

Ƀon Babilôn jêng du mlâm kachok mah tâm ti Brah Yêhôva, Ƀư ăn lĕ rngôch bri neh nhŭl ndrănh; Lĕ rngôch bri dak hŏ nhêt jêh ndrănh păng. Yor nây yơh dĭng jêng brŭt rluk.

Daniel 5:4

Khân păng nhêt ndrănh n'ho tâm rnê ma phung brah ƀư ma mah, ma prăk, ma kông, ma loih, ma tơm si jêh ri ma lŭ.

Kôranh Oh Mon 17:16

Rnôk nây, Y-Pôl gŭ kâp Y-Silas jêh ri Y-Timôthê ta ƀon Athen, păng ji nuih lah saơ ƀon nây bêng ma rup brah.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”

Phung Kôranh Phat Dôih 6:30

Phung ƀon lan lah ma Y-Jôas: “Njŭn hom kon may văch ta aơ, ăn păng khĭt, yorlah păng ƀư rlâm jêh nơng brah Baal, jêh ri kăl lơi rup brah Asêrah êp meng nây.”