Yêrêmi 50:37 - Nau Brah Ndu Ngơi 2023

³⁷ Ăn tak đao tât ta klơ seh jêh ri ndeh seh, Ma lĕ rngôch phung ƀon lan gŭ tâm pot tâm nklang păng, Ƀư ma khân păng jêng bu ur! Ăn đao tât ma lĕ rngôch jay prăp drăp ndơ khlay, Ƀư ma khân păng bu ntŭng lĕ!

Yêrêmi 50:37 ပူးပေါင်းရင်းမြစ်များ

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Mprơ Ơm 76:6

Ơ Brah Ndu Yakôb, Tơlah May nduyh lah, seh nđâp ma phung ncho seh prah khĭt da dê.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 45:3

Gâp mra ăn ma may jay ndơ khlay ndâp, Drăp ndơ bu prăp tâm ntŭk ndâp, Gay ma dơi gĭt Gâp yơh jêng Yêhôva Brah Ndu, Brah Ndu phung Israel, Nơm hŏ kuăl amoh may.

Yêrêmi 25:20

lĕ rngôch phung ƀon lan gŭ tâm rlŭk, lĕ rngôch hađăch n'gor bri Us, lĕ rngôch hađăch n'gor bri Philistin: nây jêng hađăch Askalôn, Gaxa, Êkron, jêh ri phung hôm e klen gŭ ta Asdôt;

Yêrêmi 25:24

lĕ rngôch phung hađăch Arabi, phung hađăch tâm lĕ bri dak jêng lĕ ƀon lan tâm rlŭk gŭ rêh tâm bri rdah;

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 50:10

Bu mra ƀư rai pit in phung Kaldê, ma phung pit in păng mra dơi hơm răm ngăn”. Brah Yêhôva lah pônây.

Yêrêmi 50:26

Tă bơh jŭm bri dŭt ngai văch hom tâm lơh đah păng; Pơk lĕ jay prăp ndơ tâm lơh păng, Bun jêng mbŭch, jêh ri ƀư rai hom lĕ rngôch; Lơi ăn klen du ntil ndơ!

Yêrêmi 51:21

Gâp mra dŏng may ƀư rai seh jêh ri bunuyh ncho seh; Gâp mra dŏng may ƀư rai ndeh jêh ri nơm ncho ndeh.

Yêrêmi 51:22

Gâp mra dŏng may ƀư rai bu klâu jêh bu ur, Bunuyh ranh jêh ri bunuyh mom. Gâp mra dŏng may ƀư rai phung bu klâu ndăm jêh ri bu ur druh.

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Yêrêmi 51:4

Bu ntâp khĭt khân păng tâm bri phung Kaldê, Phung sôt rmanh âk ngăn ta trong toyh.

Êsêkiêl 30:5

Êthiôpi, Put, Lut, lĕ rngôch mpôl băl bunuyh tâm rlŭk, Kup jêh ri lĕ rngôch phung ƀon lan tâm bri dak tâm rnglăp, mra chôt khĭt yor đao ndrel ma Êjipt.’”

Êsêkiêl 39:20

Ta sưng sông Gâp, khân may mra sa hơm puăch seh jêh ri puăch phung ncho seh, puăch phung janh ktang jêh ri ăp ntil phung tahan tâm lơh,’ Kôranh Brah Yêhôva lah pônây.”

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nahum 3:13

Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”