Yêrêmi 50:32 - Nau Brah Ndu Ngơi 2023

³² Nơm sưr mra văk jâng chêh prah, Mâu geh nơm sâm rdâk an păng ôh. Gâp mra mpoh ŭnh su lĕ ƀon toyh păng, Ŭnh mra sa lĕ rngôch ndơ gŭ jŭm păng.”

Yêrêmi 50:32 ပူးပေါင်းရင်းမြစ်များ

Nau Mprơ Ơm 119:78

Ăn phung sưr geh nau bêk prêng Yorlah khân păng dŏng nau mƀruh nchơt gay nsak nkhăng gâp; Ƀiălah gâp mra gŭ mĭn ma nau May ntăm.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 49:27

“Gâp mra su ŭnh ta mpêr ƀon Damas, Ŭnh mra sa ngih phung hađăch Y-Ben-Hadat.”

Yêrêmi 51:26

Bu mâu mra dơi sŏk tă bơh may du rplay lŭ dơm ta njônh ngih Mâu lah rplay lŭ mbon, Ƀiălah may mra jêng ntŭk rngot njăp ƀaƀơ n'ho ro.” Brah Yêhôva lah pônây.

Yêrêmi 51:64

jêh nây lah: ‘Ƀon Babilôn mra ngâm tâm ban pônây jêh ri mâu mra dơi ntoh đŏng ôh, yorlah nau mhĭk Gâp ƀư mra tât ma păng. Khân păng mra cha lôt.’” Nau ngơi Y-Yêrêmi dŭt aơ.

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Amôt 1:10

Gâp mra njuăl ŭnh ta klơ mpêr ƀon Tyre, Ŭnh mra sa lĕ pôih nâp păng.”

Amôt 1:12

Gâp mra njuăl ŭnh ta klơ ƀon Têman, Ŭnh mra su rai lĕ pôih nâp ƀon Bôsra.”

Amôt 1:14

Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Amôt 1:4

Gâp mra njuăl ŭnh tât tâm ngih Y-Hasael Gay ma ŭnh sa lĕ pôih nâp Y-Ben-Hadat.

Amôt 1:7

Gâp mra njuăl ŭnh ta klơ mpêr ƀon toyh Gaxa, Gay ăn ŭnh sa lĕ pôih nâp păng.

Amôt 2:2

Gâp mra njuăl ŭnh tât ta Môap, Ŭnh mra su rai lĕ pôih nâp ƀon Kêriôt. Môap mra khĭt tâm nau uh ah. Ta nklang bâr lŭng nter jêh ri uh nŭng.

Amôt 2:5

Gâp mra njuăl ŭnh tât ta Yuđa Ŭnh mra su rai lĕ pôih nâp ƀon Yêrusalem.”

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”