Yêrêmi 50:30 - Nau Brah Ndu Ngơi 2023

³⁰ Yor nây, tâm nar nây, phung bu klâu ndăm păng mra cha lôt tâm nkual toyh; lĕ rngôch phung tahan păng mra gŭ rklăk.” Brah Yêhôva lah pônây.

Yêrêmi 50:30 ပူးပေါင်းရင်းမြစ်များ

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Yêrêmi 49:26

“Yor ri, tâm nar nây, phung bu klâu ndăm păng mra cha lôt ta nkual ƀon, Lĕ rngôch phung tahan păng mra gŭ rklăk.” Brah Yêhôva ma phung tahan lah pônây.

Yêrêmi 50:36

Ăn geh tak đao tât ma phung nơm mbơh lor nklă, Ƀư ma khân păng jêng nơm rluk! Ăn pêh đao tât ma phung tahan janh ktang, Ƀư ma khân păng klach krit!

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Nau Tâm Mpơl 19:18

gay sa săk phung hađăch, săk phung kôranh tahan, săk phung bunuyh geh nau ktang, săk seh jêh ri phung ncho seh, săk lĕ rngôch bunuyh, nđâp ma kon me mâu lah dĭk bu, nđâp ma jê̆ jêh ri toyh.”

Nau Tâm Mpơl 6:15

Phung hađăch ta neh ntu, phung toyh, phung kôranh tahan, phung ndrŏng, phung dơi toyh, lĕ rngôch phung dĭk, phung kon me du krap tâm lĕ trôm jêh ri ta nklang lĕ lŭ toyh ta klơ yôk.