Yêrêmi 50:28 - Nau Brah Ndu Ngơi 2023

²⁸ Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 50:28 ပူးပေါင်းရင်းမြစ်များ

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 51:45

Ơ phung ƀon lan Gâp, luh du hom tă bơh păng, Ăp nơm ăn tâm rklaih êng păng nơm Klaih tă bơh nau Brah Yêhôva duh nuih!

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.