Yêrêmi 50:26 - Nau Brah Ndu Ngơi 2023

²⁶ Tă bơh jŭm bri dŭt ngai văch hom tâm lơh đah păng; Pơk lĕ jay prăp ndơ tâm lơh păng, Bun jêng mbŭch, jêh ri ƀư rai hom lĕ rngôch; Lơi ăn klen du ntil ndơ!

Yêrêmi 50:26 ပူးပေါင်းရင်းမြစ်များ

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 45:3

Gâp mra ăn ma may jay ndơ khlay ndâp, Drăp ndơ bu prăp tâm ntŭk ndâp, Gay ma dơi gĭt Gâp yơh jêng Yêhôva Brah Ndu, Brah Ndu phung Israel, Nơm hŏ kuăl amoh may.

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Yêrêmi 50:10

Bu mra ƀư rai pit in phung Kaldê, ma phung pit in păng mra dơi hơm răm ngăn”. Brah Yêhôva lah pônây.

Yêrêmi 50:13

Yor nau Brah Yêhôva ji nuih, mâu mra geh ôh bunuyh tât gŭ ta ntŭk păng, Lĕ rngôch jêng rngot njăp da dê; Mbu moh hăn rgăn ma bri Babilôn hih rhâl da dê Jêh ri gơm mưch ma nau sôt rmanh păng.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 50:23

Me nôp tôp ma lam neh ntu Bu hŏ nkê̆ch pă jêh rai nchah! Ta nklang lĕ rngôch bri dak, Mâm ƀư Babilôn krit toyh ngăn!

Yêrêmi 50:41

Aơ, geh du ndŭl mpôl bunuyh văch tă bơh mpeh pa lơ; Du bri dak toyh ktang jêh ri âk hađăch Hao ntoh tă bơh nglĕ dŭt rplay neh.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:64

jêh nây lah: ‘Ƀon Babilôn mra ngâm tâm ban pônây jêh ri mâu mra dơi ntoh đŏng ôh, yorlah nau mhĭk Gâp ƀư mra tât ma păng. Khân păng mra cha lôt.’” Nau ngơi Y-Yêrêmi dŭt aơ.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Mathay 6:26

Uănh hom ma phung sĭm tâm trôk: mâu mâp tăm, mâu lĕ mâp rek, mâu lĕ bun prăp tâm jay, ƀiălah Mbơ̆ khân may ta klơ trôk siăm khân păng. Di lĕ khân may khlay lơn ma phung sĭm?

Nau Tâm Mpơl 14:19

Tông mpăr nây klŭp mƀăr nhuĕ jŭr ta neh ntu, koh lĕ rkŭm play krăk ƀâu tă bơh rse krăk ƀâu, jêh ri klŭp play krăk ƀâu lăp tâm thŭng mpet toyh tă bơh nau Brah Ndu ji nuih.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.