Yêrêmi 50:17 - Nau Brah Ndu Ngơi 2023

¹⁷ Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:17 ပူးပေါင်းရင်းမြစ်များ

II Phung Hađăch 15:19

Hađăch Asiri jêng Y-Pul hăn văch rvan n'gor. Y-Mênahem ăn ma Y-Pul pe rmưn kilô prăk, gay ma păng kơl ăn nâp ƀon bri hađăch tâm ti păng.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Phung Hađăch 24:10

Tâm rnôk nây, phung tahan Nêbukatnetsar, hađăch Babilôn hăn hao nchueng jŭm ƀon Yêrusalem.

II Phung Hađăch 25:1

Tâm năm rơh sĭn rnôk rô̆ hađăch Sêdêkia chiă uănh, lơ jât khay jât, Nêbukatnetsar, hađăch Babilôn, ndrel ma lĕ rngôch phung tahan hăn văch tâm lơh ƀon Yêrusalem. Hađăch ƀư pôih rmlak tanăp ƀon nây jêh ri ntâk ntŭk tâm lơh văr jŭm ƀon nây.

II Nau Rêh Jêng 28:20

Pôri, Y-Tigla-Pilêser, hađăch Asiri, di lah văch sâm rklaih păng, ƀiălah rduh lơh tay jêh ri ƀư rêh ni ma hađăch Ahas.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Êsai 15:9

Lĕ n'hong dak tâm bri Dimôn bêng ma mham; Ƀiălah Gâp hôm ntop nau mhĭk ta klơ Dimôn, Mprơh yau mŭr tĭng ban phung Môap lĕ klaih Jêh ri phung hôm klen tâm n'gor.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 51:38

Khân păng ngrông nâm bu yau mŭr rah, Rđuh nâm bu yau mŭr kon.

Yêrêmi 52:1

Y-Sêdêkia ntơm ƀư hađăch geh bar jât ma nguay năm jêh ri chiă uănh jât ma nguay năm ta ƀon Yêrusalem. Mê̆ hađăch amoh jêng H'Hamutal, kon bu ur Y-Yêrêmi, bunuyh ƀon Lipna.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.