Yêrêmi 50:14 - Nau Brah Ndu Ngơi 2023

¹⁴ Ơ phung khân may jêng nơm van na! Dăp hom phung tahan nchueng jŭm Babilôn; Pănh hom păng, lơi nhhuach lĕ chiông hăr Yorlah păng hŏ ƀư tih jêh đah Brah Yêhôva.

Yêrêmi 50:14 ပူးပေါင်းရင်းမြစ်များ

II Samuel 10:9

Y-Jôap saơ phung rlăng hăn bra ŭch lơh panăp jêh ri pakơi păng, păng săch phung ƀaƀă tahan tâm phung tahan janh ktang Israel, jêh ri nkrĭp dăp tahan gay tâm lơh đah phung tahan Aram;

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Êsai 13:4

Ta lĕ yôk geh nau uh ah, Tâm ban ma nteh phung tahan âk râk! Nĕ jêng nter rđuh ngrông bơh lĕ bri hađăch, Jêng lĕ bri dak tâm rƀŭn tâm mâp ndrel. Brah Yêhôva ma phung tahan dôl hŏ rgum băl Du phung tahan gay hăn tâm lơh.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Yêrêmi 49:14

Aơ jêng nau mhe mhan gâp tăng tă bơh Brah Yêhôva, Jêh ri bu prơh hăn du huê nơm mbơh tât ta nklang lĕ bri dak: “Tâm rgum hom jêh ri rduh hăn lơh păng! Du dâk hăn tâm lơh hom!”

Yêrêmi 49:35

Brah Yêhôva ma phung tahan lah: “Aơ, Gâp mra nkê̆ch lơi na bri Êlam jêng tơm nau dăng ktang păng.

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 50:7

Ma mbu moh mâp khân păng ran rvăn khân păng da dê. Phung rlăng khân păng lah: ‘Hên mâu geh tih ôh yorlah khân păng hŏ ƀư tih jêh đah Brah Yêhôva jêng ndrêch gơ̆ ngăn, nâm bu ntĭt Brah Yêhôva, Nau phung chô yau khân păng kâp gân.’

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:2

Gâp mra prơh hăn phung bu năch tât ƀon Babilôn Gŭm nsiăng jêh ri ƀư roh lơi bri dak păng; Yorlah tâm nar mhĭk tât, Khân păng mra rduh lơh ma Babilôn tă bơh puăn njônh.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 51:3

Lơi ăn bunuyh pănh na năn van na ôh, Mâu lĕ ăn păng năn nsoh ao loih. Lơi ta djân ôh phung ndăm Babilôn, Nkhĭt hom lĕ rngôch phung tahan păng.

Habakuk 2:17

Nau may ƀư djơh ma bri Liban mra nkŭm brôi may; Jêh ri nau may ƀư rai lĕ mpô mpa mra ƀư ma may klach krit, Yorlah may hŏ ƀư pling jêh mham bunuyh, Jêh ri yorlah nau may hŏ ƀư djơh ma bri neh, Ma ƀon toyh jêh ri ma lĕ rngôch phung gŭ tâm nây.

Habakuk 2:8

Yorlah may hŏ pit in jêh ndô ndơ âk bri dak ƀaƀă Yor ri lĕ rngôch bơh phung ƀon lan hôm e mra pit in ndơ may, Yorlah may hŏ ƀư pling jêh mham bunuyh, Jêh ri yor nau may ƀư mhĭk hŏ ƀư jêh ma bri neh, Ma ƀon toyh jêh ri ma lĕ rngôch phung gŭ tâm păng.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”

I Samuel 17:20

Kah ôi taơ, Y-Đavit kah rngăl ơm, jao biăp păng ma du huê rmăk gŭ chiăp, jêh nây sŏk ndơ hăn trong tĭng nâm nau Y-Yêsê ntĭnh jêh ma păng. Tơlah Y-Đavit hŏ hăn tât ta pôih tahan, dôl phung ta hăn luh dăp tahan jêh ri troh nter ma nau tâm lơh.