Yêrêmi 5:13 - Nau Brah Ndu Ngơi 2023

¹³ Lĕ phung mbơh lor knŏng nâm bu sail khôm, Nau Kôranh Brah mâu gŭ tâm khân păng ôh; Moh nau khân păng ngơi mra tât ăn ma khân păng dơm.”

Yêrêmi 5:13 ပူးပေါင်းရင်းမြစ်များ

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Ndrom Samƀŭt bơh Yôp 6:26

Khân may ŭch klăp ndăng nau ngơi lĕ? Ƀiălah nau ngơi bơh du huê bunuyh rdja nuih knŏng nâm bu rlong sial.

Ndrom Samƀŭt bơh Yôp 8:2

“Ndah dŭt jŏ may ngơi mro nau nây, Ndah jŏ dĭng bah nau ngơi nâm bu phŭt chuănh nây?

Nau Hôr 25:14

Mbu nơm ntưih săk mƀruh nchơt ma ndơ păng nơm nhhơr Nâm bu geh tŭk, geh sial, mâu geh mih.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Yêrêmi 14:13

Ƀiălah gâp lah pô aơ: “Aơ! Ơ Kôranh Brah Yêhôva, geh phung nơm mbơh lor lah ma khân păng pô aơ: ‘Khân may mâu mra saơ đao, mâu lĕ geh nau sa sât ji ngot, yorlah Gâp mra ăn ma khân may gŭ tâm nau đăp mpăn nâp ktang tâm ntŭk aơ.’”

Yêrêmi 14:15

Yor nây, Brah Yêhôva lah ntop đŏng: “Bi ma lĕ phung mbơh lor mâu tă bơh Gâp mprơh tât nănh ngơi tâm amoh Gâp ngơi mbơh lor pô aơ ‘mâu mra geh đao jêh ri sa sât ji ngot geh tât ta n'gor aơ’, pôri phung nơm mbơh lor nây yơh bu mra ƀư rai ma đao jêh ri sa sât ji ngot.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 28:3

Tâm bar năm nĕ, Gâp mra djôt plơ̆ sĭt ma ntŭk aơ lĕ rngôch ndơ dŏng tâm ngih Brah Yêhôva, ndơ Y-Nêbukatnetsar, hađăch Babilôn, hŏ sŏk rdu jêh bơh ntŭk aơ jêh ri leo ma ƀon Babilôn.’

Yêrêmi 43:2

pôri Y-Asaria, kon bu klâu Y-Hôsaya, jêh ri Y-Jôhanan, kon bu klâu Y-Karêa, ndrel ma phung nklă êng, lah ma Y-Yêrêmi: “May ngơi mƀruh! Yêhôva Brah Ndu hên mâu prot prơh ôh păng ngơi đah hên: ‘Mâu dơi hăn tât ôh ma bri Êjipt ŭch gŭ ta nây.’

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.