Yêrêmi 49:31 - Nau Brah Ndu Ngơi 2023

³¹ Brah Yêhôva lah: “Dâk hom, rduh lơh du phung ndŭl mpôl mâu geh nau mĭn rvê ôh, Dôl gŭ đăp mpăn, Mpông mâu geh nchăng, mâng rnăng mâu nđăng Jêng du ntŭk gŭ êng.

Yêrêmi 49:31 ပူးပေါင်းရင်းမြစ်များ

Nau Mprơ Ơm 123:4

Huêng hên dĭl nhăl jêh Nau mưch rmot bơh phung nklă, Jêh ri nau mưch rmot phung sưr.

Nau Mprơ Ơm 73:12

Ri, phung mhĭk geh nau đăp mpăn ƀaƀơ; Drăp ndơ khân păng lơ hao mro.

Êsai 32:11

Ơ phung bu ur mpay êng, râm sâr hom, Ơ phung bu ur mâu gĭt njrăng, ăn khân ay rŭng răng! Doh lơi hom bok ao khân ay, gŭ rhôk hom, Vân hom bŭt khân ay ma bok ƀau.

Êsai 32:9

Ơ phung bu ur mpay êng, Dâk iăt hom bâr Gâp! Ơ phung kon bu ur mâu gĭt njrăng, Rkêng hom tôr iăt nau Gâp ngơi!

Êsai 42:11

Ăn bri rdah jêh ri lĕ ƀon toyh tâm păng nter troh hom; Lĕ rngôch ƀon phung Kêdar gŭ rêh đŏng kơt nây; Phung ta Sêla mprơ hom ma nau răm, Nter troh hom bơh lĕ n'gơn yôk.

Êsai 47:8

Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Yêrêmi 48:11

Môap ơm vay gŭ đăp mpăn ntơm bơh rnôk hôm mom, Nâm bu ndrănh nkân ta blat yăng, Mâu hŏ geh troch ôh bơh ma yăng aơ tơh ma yăng êng, Mâu mâp lĕ ƀư jêng bu nă; Yor nây nau kah păng nâm ơm Jêh ri ƀâu kah păng mâu hŏ rgâl ôh.”

Êsêkiêl 30:9

Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!

Êsêkiêl 38:11

May mra lah: ‘Gâp mra hăn tât lơh bri dak geh ƀon mâu geh mpêr ôh, gâp mra hăn tât ndrel phung ƀon lan gŭ mpăn, đăp rmên, nây jêng lĕ rngôch phung gŭ tâm ntŭk mâu geh mpêr ôh, mâu geh ôh rnăng mpông jêh ri mâu geh mpông.

Êsêkiêl 39:6

‘Rnôk aơ, Gâp mra njuăl ŭnh tŭp ma bri Magôk jêh ri ma phung gŭ nau mpăn tâm lĕ gôl dak mƀŭt jêh ri khân păng mra gĭt Gâp jêng Brah Yêhôva.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Nahum 1:12

Ƀiălah Brah Yêhôva lah: “Nđâp lah khân păng geh nau tâm rnglăp ndrel âk kđôi lĕ, Bu mra ƀư rai jêh ri ăn roh khân păng. Hơi phung ƀon lan Gâp, nđâp lah Gâp hŏ ƀư nkrit jêh khân may, Gâp mâu mra ƀư nkrit khân may đŏng ôh.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Nau Kơp Bunuyh 23:9

Yorlah bơh klơ n'gơn yôk gâp saơ Israel, Tă bơh chor prêh, gâp uănh khân păng: Aơ jêng du phung ƀon lan prăp êng, Jêh ri mâu kơp ôh păng nơm ndrel ma phung mpôl băl bunuyh.

Nau Vay Nkah Tay 33:28

Yorlah pônây knŏng geh du phung Israel gŭ tâm nau ueh đăp mpăn; Dak N'hor Yakôb hoch djrah an Tâm ntŭk n'gor geh ba jêh ri ndrănh, Bêng dak ngom truh tă bơh trôk.