Yêrêmi 49:29 - Nau Brah Ndu Ngơi 2023

²⁹ Bu mra sŏk lơi ngih bok jêh ri mpa rong khân păng, Nđâp ma bok nching jêh ri ndô ndơ, Djôt rdu nđâp ma seh samô khân păng, Bu mra nter huy: ‘Geh nau klach krit nchueng jŭm!’”

Yêrêmi 49:29 ပူးပေါင်းရင်းမြစ်များ

Nau Ntơm 37:25

Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Nau Mprơ Ơm 120:5

Rêh ni ngăn ma gâp! Yor gâp gŭ ta neh Mêsek Jêh ri gŭ tâm dâng lĕ vâl bok n'gor Kêdar!

Nau Mprơ Ơm 31:13

Gâp tăng âk bunuyh ngơi nchơt; Nau klach krit gŭ jŭm gâp! Khân păng tâm nchră ƀư mhĭk ma gâp, Khân păng ŭch ngroh lơi nau rêh gâp.

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Yêrêmi 10:20

Ngih bok gâp rai jêh, Lĕ rse nthăng ngih bok gâp tăch da dê; Phung kon gâp chalơi gâp, Khân păng mâu hôm đŏng ôh. Mâu hôm geh nơm ndâk ngih bok, Ăt mâu hôm geh nơm nthăng bok nching ăn ma gâp.

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Yêrêmi 49:5

Kôranh Brah jêng Brah Yêhôva ma phung tahan, lah: “Aơ, Gâp mra ƀư ăn nau klach krit Tă bơh ăp njônh tât ta may; Ăp nơm tâm khân may, bu mra mprơh jêh ri nchuăt rlet panăp, Mâu geh bunuyh mra rgum phung nchuăt du ôh.

Yêrêmi 6:25

Lơi ta luh padih mir ôh, Lơi hăn nsong rŏ trong, Yorlah phung rlăng cheng đao, Srih nau klach krit lam ntŭk.

Habakuk 3:7

Gâp saơ lĕ ngih bok phung Kusan geh nau rêh ni, Lĕ bok nching bri Madian n'găr n'gơ.

II Kôrintô 4:8

Hên geh nau mpet tâm lĕ rngôch trong, ƀiălah mâu geh nau rchiăt hăch ôh; geh nau răng rŭng, ƀiălah mâu rdja nuih ôh;

II Kôrintô 7:5

Yorlah nôk tât ta n'gor Masêđôn, nglay săk hên mâu mâp geh rlu ôh, nau rêh ni gŭ jŭm hên — nau tâm lơh padih, nau klach tâm trôm.

Phung Kôranh Phat Dôih 6:5

Khân păng văch hao djôt leo lĕ mpô mpa rong jêh ri ndâk ngih bok dŭt âk nâm krah ndrach, mâu dơi kơp ôh bunuyh nđâp ma seh samô. Khân păng pit in jêh ri ƀư rai ntŭk gŭ.

Phung Kôranh Phat Dôih 7:12

Phung Madian, phung Amalek, jêh ri lĕ rngôch phung ƀon lan tâm ntŭk Luh Nar ndâk ngih bok bêng tâm rlŭng, âk nâm bu krah ndrach; bi seh samô khân păng âk kŏ tât mâu dơi kơp ôh, nâm bu choih ta kơh dak mƀŭt.

Phung Kôranh Phat Dôih 8:21

Y-Sêba jêh ri Y-Salmuna lah: “May nơm nkhĭt hom hên, yorlah tĭng nâm bunuyh jêng, pônây đŏng nau ktang păng.” Y-Gidêôn dâk nkhĭt Y-Sêba jêh ri Y-Salmuna, jêh ri păng sŏk lĕ ndơ rvang ta trô ko seh samô bar hê hađăch.

Phung Kôranh Phat Dôih 8:26

Lĕ rvang mblo tôr mah Y-Gidêôn dăn jêh, njing geh bar jât kilô mah, mâu kơp lĕ ndơ rvang ta trô ko seh, rse mah rhên, jêh ri ao chăng phung hađăch Madian vay nsoh, nđâp ma lĕ rvang văn ta trô ko seh samô khân păng.