Yêrêmi 49:11 - Nau Brah Ndu Ngơi 2023

¹¹ Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Yêrêmi 49:11 ပူးပေါင်းရင်းမြစ်များ

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 82:3

Koh dŏng hom phung o ach jêh ri phung kon đơi; Phat dôih sŏng ma phung pưt kƀah jêh ri phung o ach.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Yônais 4:11

Bi Gâp, mâm dĭng Gâp mâu nhhuach ma ƀon Ninive, yorlah tâm ƀon nây geh rmeh ma du rsen bar rmưn bunuyh mâu gĭt tâm rnglah ôh ti pa ma đah ti pa chiau, ndrel ma âk mpô mpa ta nây hĕ?”

Sakari 7:10

Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

I Timôthê 5:5

Mbu nơm jêng bu ur ndrô ngăn, gŭ rêh êng du huê, dơm nau kâp gân tâm Brah Ndu, jêh ri ăn nâp nuih n'hâm măng nâm nar mbơh sơm vơl dăn ma Brah Ndu.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.