Yêrêmi 48:19 - Nau Brah Ndu Ngơi 2023

¹⁹ Ơ phung gŭ ta ƀon Arôer! Dâk hom êp meng trong jêh ri kâp uănh, Ôp hom ma bu klâu nchuăt du jêh ri bu ur lĕ rklaih jêh, pô aơ: ‘Moh nau hŏ tât nây?’

Yêrêmi 48:19 ပူးပေါင်းရင်းမြစ်များ

II Samuel 24:5

Khân păng rgăn dak krong Yurdan jêh ri ƀư ntŭk rmlak ta ƀon Arôer, mpeh rđŭng ƀon ta nklang rlŭng Gat, jêh ri hăn tât ta ƀon Jaser.

I Nau Rêh Jêng 5:8

Y-Bêla, kon Y-Asas, sau Y-Sêma, se Y-Yôel, Y-Bêla gŭ ta ƀon Arôer tât ta yôk Nêbô jêh ri Baal-Mêon.

Nau Kơp Bunuyh 32:34

Phung kon sau Gat ndâk ƀon Dibôn, Atarôt, Arôer,

Nau Vay Nkah Tay 2:36

Ntơm bơh Arôer gŭ ta kơh dak krong Arnôn, jêh ri bơh ƀon toyh gŭ tâm rlŭng tât ta Gilêat, mâu geh ôh du ƀon toyh nâp ir đah he. Yêhôva Brah Ndu he hŏ jao jêh ăp ntil ma he.

Yôsuê 12:2

Y-Sihôn jêng hađăch phung Amôrit gŭ ta Hêsbôn. Hađăch nây chiă uănh ntơm bơh Arôer, jêng ƀon êp rlŭng Arnôn, jêh ri tă bơh ta nklang rlŭng nây tât ta dak krong Jabôk, n'har neh phung Ammôn, nâm bu du n'gul bri Gilêat.

Phung Kôranh Phat Dôih 11:26

Dôl pe rhiăng năm, phung Israel gŭ jêh ta Hêsbôn jêh ri n'gor jŭm păng, ta Arôer jêh ri n'gor jŭm păng, tâm lĕ rngôch ƀon toyh ƀoi tĭng dak n'hong jê̆ Arnôn. Mâm ƀư may mâu sŏk pit tay lĕ ƀon toyh nây tâm rnôk nây?

I Samuel 4:16

Bunuyh nây lah Y-Êli: “Nar aơ gâp nchuăt du jêh tă bơh nau tâm lơh, jêh ri gâp văch ta aơ tă bơh ntŭk tâm lơh.” Y-Êli ôp: “Ơ kon, moh nau hŏ tât?”