Yêrêmi 48:14 - Nau Brah Ndu Ngơi 2023

¹⁴ Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Yêrêmi 48:14 ပူးပေါင်းရင်းမြစ်များ

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Êsai 10:13

Yorlah hađăch Asiri lah pô aơ: ‘Gâp ƀư lĕ nau nây ma nau ktang tâm ti gâp Jêh ri ma nau blau mĭn gâp, yorlah gâp geh nau gĭt mĭn. Gâp lĕ ngroh lơi jêh n'har bri neh phung ndŭl mpôl bunuyh, Jêh ri pit in lĕ jay ndơ khlay khân păng. Tâm ban ma du huê janh ktang, Gâp hŏ n'glưh nsot phung hađăch

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 16:6

Hên tăng jêh nau sưr rlau phung Môap, Păng sưr ngăn! Păng hưn, sưr rlau jêh ri mưch bu; Nau păng ngơi hưn jêng dơm dam!

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Yêrêmi 8:8

Mâm khân may nănh ngơi: “Hên blau mĭn, Nau vay Brah Yêhôva gŭ ndrel ma hên,”? Ƀiălah aơ, chông mâng nchih nau mƀruh phung kôranh nchih samƀŭt Hŏ ƀư ăn nau vay nây luh nau mƀruh!

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Êsêkiêl 30:6

Brah Yêhôva lah: “Phung kơl bri Êjipt mra chôt; Nau ktang păng rnơm bu mra ntrŭnh. Khân păng mra chôt khĭt yor ma đao, Ntơm bơh Mikdôl tât ma Syene. Kôranh Brah Yêhôva lah pônây.

Sôphôni 2:10

Nây jêng nau khân păng har plơng ma nau sưr khân păng, Yor khân păng hŏ mưch rmot jêh ri ngơi sưr rlau Tâm rdâng đah phung ƀon lan Brah Yêhôva ma phung tahan.