Yêrêmi 46:21 - Nau Brah Ndu Ngơi 2023

²¹ Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 46:21 ပူးပေါင်းရင်းမြစ်များ

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Phung Hađăch 7:6

Yorlah Kôranh Brah hŏ ƀư ăn ma phung tahan Aram tăng nteh ndeh seh, nteh seh jêh ri nteh du phung tahan toyh ngăn, pôri khân păng lah ndrăng khân păng pô aơ: “Aơ, hađăch Israel hŏ manh phung hađăch Hitit jêh ri Êjipt gay văch lơh he.”

Nau Mprơ Ơm 37:13

Ƀiălah Kôranh Brah mra gơm mưch rmot păng Yorlah saơ nar tâm rmal păng dăch tât.

Nau Hôr 15:17

Ueh lơn sa du ntil n'ha biăp ƀiălah tâm rŏng ndrel Rlau lơn đah sa ndrôk lay ƀiălah geh nau tâm rmot tĭng groi.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Yêrêmi 18:17

Gâp mra ƀư ăn khân păng nchah rai pru pra tanăp măt phung rlăng Nâm bu sial tă luh nar khôm rdu. Tâm nar khân păng geh nau ji tưp, Gâp rle măt mâu uănh ma khân păng.”

Yêrêmi 46:22

Nau nteh păng nâm bu hung bêh Yorlah phung rlăng ktang n'hoch tât; Khân păng djôt sung rduh tâm lơh đah păng, Nâm bu nơm kăl si tâm bri.”

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Yêrêmi 48:44

Mbu nơm dơi du nchuăt tă bơh nau krit toyh Mra rhuh tâm ntu jru, Mbu nơm hao du luh tă ntu jru, Mra tŭp tâm dăk bu sân. Yorlah Gâp mra djôt năm nau tâm rmal Tât ma Môap,” Brah Yêhôva lah pônây.

Yêrêmi 49:8

Hơi ƀon lan gŭ ta ƀon Dêdan, Ndôn kơi hom nchuăt du pôn, krap tâm ntu jru! Yorlah Gâp mra ƀư ăn ma păng nau mhĭk Êsau, Tâm rnôk Gâp tâm rmal ma păng.

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Êsêkiêl 30:22

Yor ri, Kôranh Brah Yêhôva lah: ‘Aơ, Gâp tâm rdâng đah Pharaôn, hađăch Êjipt, jêh ri mra nkê̆ch lơi bar nting tur păng, nđâp ma nting tur hôm dăng ndrel ma nting tur lĕ pă jêh ri ăn đao tŭp tă bơh ti păng.

Êsêkiêl 35:5

Yorlah may hôm prăp nau rlăng ntơm bơh kăl e jêh ri hŏ jao jêh ma phung kon Israel ma tak đao tâm nar nau mhĭk tât khân păng tâm rnôk nglĕ dŭt.’

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Apdia 1:13

May mâu dơi lăp ôh tâm mpông ƀon phung ƀon lan Gâp Tâm nar khân păng geh nau tât; Uănh păng mâp rêh ni lơi dĭng rhơn, Tâm nar păng dơn jâk jêr; Lơi ta ntŭng ôh drăp ndơ păng tâm nar păng geh nau tât.

Mika 7:4

Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.