Yêrêmi 46:19 - Nau Brah Ndu Ngơi 2023

¹⁹ Ơ phung ƀon lan Êjipt, Ndrăp hom ndô ndơ gay ma hăn ƀư bu nă, Yorlah ƀon Nôp mra jêng rngol; Bu mra ƀư rai mâu geh bunuyh gŭ ôh.

Yêrêmi 46:19 ပူးပေါင်းရင်းမြစ်များ

Êsai 19:13

Phung kôranh tâm ƀon Sôan jêng jêh phung rluk, Phung kôranh ƀon Nôp tŭp tâm nau ndơm; Phung ƀư lŭ tơm tâm phung mpôl khân păng Hŏ ƀư vĭ ma Êjipt

Êsai 20:4

tâm ban pônây lĕ, hađăch bri Asiri têk leo phung Êjipt jêh ri phung Kus ƀư bu nă bơh bri khân păng, phung druh ndăm jêh ri phung bu ranh, hăn săk hưl, jâng dơm, jêh ri mpơl n'gang bŭt, gay ƀư bêk ma bri Êjipt nâm bu pônây lĕ.

Yêrêmi 26:9

Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 44:1

Geh nau lah ma Y-Yêrêmi ma lĕ rngôch phung Yuđa gŭ tâm n'gor bri Êjipt, ta ƀon Mikdôl, ƀon Tahpanhes, ta ƀon Nôp, jêh ri tâm bri Pathrôs.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Êsêkiêl 29:12

Gâp mra ăn n'gor bri Êjipt jêng rngol ta nklang bri jêng rngol jêh ri lĕ rngôch ƀon păng mra rngot njăp gŭ ta nklang lĕ ƀon rngot njăp tâm puăn jât năm. Gâp mra ƀư ma phung Êjipt pru pra tâm lĕ phung ƀon lan jêh ri mprơh lơi khân păng du gŭ tâm lĕ bri dak.’

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Sôphôni 2:5

Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”