Yêrêmi 46:14 - Nau Brah Ndu Ngơi 2023

¹⁴ “Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 46:14 ပူးပေါင်းရင်းမြစ်များ

II Samuel 2:26

Y-Apner kuăl toyh Y-Jôap jêh ri lah: “Mpiăt đao, mâu ŭch rlu hĕ nkhĭt bunuyh? May mâu gĭt hĕ kêng nglĕ dŭt mra knŏng jêng nau rngot? Ndah nâm jŏ may mra ntrŭnh ma phung ƀon lan may lơi hôm tĭng oh nâu khân păng?”

Nau Ngluh Êjipt 14:2

“Ntĭnh hom ma phung ƀon lan Israel plơ̆ sĭt tay ndâk ngih bok tanăp Pi-hahirôt, vah vang Mikdôl jêh ri dak mƀŭt, tâm tham đah Baal-Sêphôn. Ăn khân may ndâk ngih bok ta ntŭk nây, dăch kơh dak mƀŭt.

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Êsai 19:13

Phung kôranh tâm ƀon Sôan jêng jêh phung rluk, Phung kôranh ƀon Nôp tŭp tâm nau ndơm; Phung ƀư lŭ tơm tâm phung mpôl khân păng Hŏ ƀư vĭ ma Êjipt

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 34:6

Đao Brah Yêhôva krêp bêng ma mham, jêh ri ngi, Jêng mham kon biăp jêh ri be nkuăng, Ngi mlâm leh biăp nkuăng. Yorlah geh nau nhhơr mpa ƀư brah ma Brah Yêhôva ta ƀon Bôsra, Nau tâm nkhĭt toyh tâm bri Êđôm

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 2:16

Rlau ma nĕ phung ƀon lan Nôp jêh ri Tahpanhes Ăt poih hil bôk may.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 44:1

Geh nau lah ma Y-Yêrêmi ma lĕ rngôch phung Yuđa gŭ tâm n'gor bri Êjipt, ta ƀon Mikdôl, ƀon Tahpanhes, ta ƀon Nôp, jêh ri tâm bri Pathrôs.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 46:19

Ơ phung ƀon lan Êjipt, Ndrăp hom ndô ndơ gay ma hăn ƀư bu nă, Yorlah ƀon Nôp mra jêng rngol; Bu mra ƀư rai mâu geh bunuyh gŭ ôh.

Yêrêmi 46:2

Ma bri Êjipt, aơ jêng nau mhe mhan ăn ma phung tahan Pharaôn Nêkô, hađăch Êjipt, nây jêng phung tahan Y-Nêbukatnetsar, hađăch Babilôn, hŏ dơi jêh ta ƀon Karkêmis, dăch ta kơh dak krong Ơphrat tâm năm rơh puăn Y-Jêhôjakim, kon bu klâu Y-Jôsia, hađăch Yuđa:

Êsêkiêl 21:28

Đơ phung hŏ ton jêh uănh nau pol knŏng jêng nau mƀruh dơm, ƀiălah hađăch mra nkah ăn khân păng gĭt nau mhĭk khân păng nơm ƀư khân păng hăn jêng bu nă.

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”