Yêrêmi 44:28 - Nau Brah Ndu Ngơi 2023

²⁸ Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Yêrêmi 44:28 ပူးပေါင်းရင်းမြစ်များ

Nau Mprơ Ơm 33:11

Brah Yêhôva mĭn ƀư dơi gŭ nâp n'ho ro. Nau Păng mĭn tâm nuih n'hâm hôm e bơh rnôk aơ tât ma rnôk ri.

Êsai 10:19

Đơ si hôm tâm krŏng mra hôm e djê̆, Du huê kon se ăt dơi geh đŏng kơp rnoh păng.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Yêrêmi 42:17

Yor nây, phung bunuyh săch hăn rlet ma bri Êjipt mra khĭt ma đao, nau sa sât ji ngot, jêh ri nau ji tưp. Mâu geh ôh du huê nơm tâm khân păng hôm e rêh; mâu geh du huê klaih bơh nau mhĭk Gâp mra nkhŭt ma khân păng.’

Yêrêmi 44:13

Gâp mra tâm rmal phung gŭ tâm bri Êjipt, nâm bu hŏ tâm rmal jêh ma ƀon Yêrusalem ma pêh đao, nau sa sât ji ngot, jêh ri nau ji tưp.

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Êsêkiêl 6:8

Ƀiălah, Gâp mra om phung ƀaƀă, yorlah mra geh phung ƀaƀă hŏ klaih tă bơh chông đao dôl khân may du pru pra tâm lĕ bri dak.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Nau Kơp Bunuyh 14:41

Ƀiălah Y-Môis lah: “Mâm khân may rlau nau ntăm Brah Yêhôva? Nau nây mâu mra dơi jêng ôh.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”