Yêrêmi 44:27 - Nau Brah Ndu Ngơi 2023

²⁷ Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 44:27 ပူးပေါင်းရင်းမြစ်များ

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 21:10

Brah Yêhôva lah: ‘Yor Gâp hŏ tâm nal jêh nau ƀư mhĭk ntrok ma nau ƀư ueh ta ƀon aơ, yor nây ƀon aơ mra jao tâm ti hađăch Babilôn, jêh ri hađăch nây mra su ƀon aơ ma ŭnh.’

Yêrêmi 31:28

Nâm bu Gâp uănh njrăng jêh ma khân păng gay rôk tơm, ƀư rlâm, nklơ̆ rlă, ƀư rai jêh ri ăn tât nau mhĭk tâm ban lĕ, pôri Gâp mra gak uănh khân păng gay ndâk njêng jêh ri brôi tăm nâm bu pônây lĕ,” Brah Yêhôva lah pônây.

Yêrêmi 39:16

“May mâp hom jêh ri lah ma Y-Êbet-Mêlek, bunuyh Êthiôpi, pô aơ: ‘Brah Yêhôva ma phung tahan, Brah Ndu Israel, lah: Aơ, Gâp dăch ƀư jêh nau Gâp lah ma ƀon aơ nây jêng nau mhĭk mâu di ăn nau ueh uĭn ôh. Tât nar nĕ, lĕ nau nây mra jêng nau nanê̆ tanăp măt may.’

Yêrêmi 42:16

pôri đao khân may klach mra tĭng ban khân may tâm n'gor bri Êjipt; nau sa sât ji ngot khân may klach krit ngăn mra tĭng groi khân may tât ma n'gor bri Êjipt, jêh ri khân may mra khĭt ta nây.

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:13

Gâp mra tâm rmal phung gŭ tâm bri Êjipt, nâm bu hŏ tâm rmal jêh ma ƀon Yêrusalem ma pêh đao, nau sa sât ji ngot, jêh ri nau ji tưp.

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Yêrêmi 44:18

Ƀiălah, ntơm bơh hên rlu nhhơr ndơ ƀâu kah jêh ri mâu ƀư ndơ nhhơr nhêt ăn ma hađăch bu ur tâm trôk, hên pưt kƀah ăp ntil ndơ jêh ri bu nkhĭt lĕ ma tak đao jêh ri nau sa sât ji ngot.

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 7:6

Nau nglĕ dŭt hŏ tât, nau nglĕ dŭt hŏ tât jêh! Păng dâk tâm rdâng đah may. Ri păng tât jêh!

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Amôt 9:8

Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.