Yêrêmi 42:6 - Nau Brah Ndu Ngơi 2023

⁶ Nđâp tơlah ueh mâu lah mhĭk, hên ăt tông bâr Yêhôva Brah Ndu hên, jêng Nơm hên prơh may hăn tât, gay ma tông bâr Yêhôva Brah Ndu hên, pôri hên mra geh nau ueh maak.”

Yêrêmi 42:6 ပူးပေါင်းရင်းမြစ်များ

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Ngluh Êjipt 24:7

Păng djôt ndrom samƀŭt nau tâm rnglăp jêh ri răk ăn ma phung ƀon lan tăng. Khân păng lah: “Hên mra tĭng ƀư jêh ri djôt prăp lĕ nau Brah Yêhôva hŏ ntăm jêh.”

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Yêrêmi 22:15

Di lĕ may dơi ƀư hađăch, Yorlah may tâm rlong ndâk ngih ma tơm si sêdar lĕ? Mâu di hĕ mbơ̆ may hŏ nhêt sa Jêh ri ƀư nau sŏng ma nau di, Pôri dơi geh nau ndrŏng ktang nây hĕ?

Yêrêmi 43:4

Tâm ban pônây lĕ, Y-Jôhanan, kon bu klâu Y-Karêa, lĕ rngôch phung kôranh tahan jêh ri lĕ rngôch phung ƀon lan mâu tông ôh bâr Brah Yêhôva ntĭnh mra gŭ tay tâm bri Yuđa.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Samƀŭt Pôl Njuăl Ăn Ma Phung Nsing Ta Ƀon Rôm 7:13

Pôri, di lĕ nau ueh nây djôt leo ma gâp nau khĭt? Mâu di tâm ban pônây! Ƀiălah nây jêng nau tih hŏ dŏng nau ueh ƀư ma gâp khĭt, gay nau ngăn ma nau tih dơi tâm mpơl, jêh ri yor tă nau vay ntăm, nau tih plơ̆ jêng mhĭk lơ hâu lơn.

Samƀŭt Pôl Njuăl Ăn Ma Phung Nsing Ta Ƀon Rôm 7:7

Pônây mâm ƀư he mra lah? Nau vay jêng nau tih lĕ? Mâu! Mâu di tâm ban pônây ôh! Ƀiălah tơlah mâu geh nau vay gâp mâu gĭt năl nau tih. Tơlah nau vay mâu lah: “Lơi may kơnh ir” pôri gâp mâu hŏ gĭt năl moh nau kơnh ir ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:7

yorlah nau mĭn let ma nglay săk jêng rlăng đah Brah Ndu, yorlah păng mâu tông nau vay Brah Ndu; ngăn, păng mâu geh nau dơi ma gay tông ôh.

Nau Vay Nkah Tay 5:27

Pôri, ăn may hăn dăch jêh ri iăt lĕ nau Yêhôva Brah Ndu hên ntĭm nti, jêh nây nkoch tay ma hên lĕ nau Yêhôva Brah Ndu ngơi ma may. Hên mra iăt jêh ri ƀư tĭng nau nây.’

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Yôsuê 24:24

Phung ƀon lan lah ma Y-Yôsuê: “Hên mra pah kan ma Yêhôva Brah Ndu hên, jêh ri hên mra tông bâr Păng.”