Yêrêmi 40:4 - Nau Brah Ndu Ngơi 2023

⁴ Aƀaơ gâp doh nkông bơh ta ti may. Tơlah may saơ nau hăn ndrel gâp tât ma bri Babilôn jêng ueh pôri hăn hom jêh ri gâp mra mât mray may. Tơlah may saơ nau hăn ndrel gâp ma bri Babilôn jêng mâu di pôri lơi ta hăn ôh. Aơ, lam bri dôl gŭ panăp măt may, moh ntŭk may mĭn jêng ueh jêh ri moh ntŭk hăn jêng di, ăn may hăn yơh.”

Yêrêmi 40:4 ပူးပေါင်းရင်းမြစ်များ

Nau Ntơm 13:9

Mâu di hĕ lĕ rngôch n'gor dôl gŭ tanăp măt may? Ăn may tâm nkhah hom bơh gâp. Tơlah may săch mpeh chiau, gâp mra gŭ mpeh pa ma; tơlah may săch mpeh pa ma, gâp mra gŭ mpeh pa chiau.”

Nau Ntơm 20:15

Y-Abimêlek lah: “Aơ, n'gor gâp prăp ăn ma may, moh ntŭk may ŭch, may gŭ ta nây.”

Nau Ntơm 44:21

May lah jêh ma phung oh mon may: ‘Njŭn leo păng trŭnh mâp gâp gay ma gâp dơi saơ păng ngăn.’

Nau Ntơm 47:6

N'gor Êjipt dôl gŭ panăp măt may, ăn mbơ̆ may jêh ri phung oh nâu may gŭ tâm ntŭk dŭt ueh tâm n'gor aơ. Ăn khân păng gŭ tâm n'gor Gôsen. Tơlah may gĭt tâm phung khân păng geh bunuyh gĭt blau jao ma păng chiăp rong lĕ phung mpô mpa gâp.”

Êsther 3:11

Hađăch lah ma Y-Haman: “Gâp jao prăk nây nđâp phung ƀon lan nây ma may, tĭng nau mĭn may ŭch ƀư đah phung khân păng.”

Yêrêmi 37:14

Y-Yêrêmi plơ̆ lah: “Ngơi nklă! Gâp mâu geh nchuăt tĭng phung tahan Kaldê ôh.” Ƀiălah Y-Irijah mâu ŭch iăt ôh, nhŭp nchâp Y-Yêrêmi jêh ri têk leo ăn ma phung kôranh.

Nau Nhĭm Vơl 3:7

Păng ƀư mpêr jŭm gâp, gâp mâu dơi klaih ôh; Păng nkông gâp ma rse rvăk jâk ngăn;