Yêrêmi 37:17 - Nau Brah Ndu Ngơi 2023

¹⁷ Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 37:17 ပူးပေါင်းရင်းမြစ်များ

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

I Phung Hađăch 22:16

Ƀiălah hađăch lah ma păng: “Ndah nâm hŏ tơ̆ gâp sŏk nau ton nchâp ma may knŏng sŏk amoh Brah Yêhôva gay ngơi nau n'hêl nanê̆ ma gâp.”

II Phung Hađăch 25:7

Khân păng nkhĭt phung kon bu klâu Y-Sêdêkia tanăp măt păng. Jêh nây khân păng rloch lơi măt Y-Sêdêkia, nkông păng ma rse rvăk kông, jêh ri njŭn leo păng ma bri Babilôn.

Yêrêmi 15:11

Ƀiălah Brah Yêhôva lah: “N'hêl nanê̆ Gâp mra tâm rklaih may Yor nau ŭch ueh ngăn; Tâm nau ji tưp, nau rêh ni Gâp mra ƀư ma phung rlăng tât vơl dăn ma may.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 24:8

Brah Yêhôva lah: ‘Ƀiălah, tâm ban bunuyh ƀư ma play rvi mhĭk, mhĭk kŏ tât bu mâu dơi sa ôh, pônây lĕ ăt Gâp mra ƀư ma Y-Sêdêkia, hađăch Yuđa, phung kôranh, phung ƀon lan hôm e klen bơh Yêrusalem dôl gŭ tâm bri aơ, jêh ri phung dôl hôm gŭ rêh ntŭk bri Êjipt pônây lĕ.

Yêrêmi 25:35

Phung rmăk biăp mâu hôm geh trong du der ôh, Phung kôranh leo phung biăp joi trong klaih mâu dơi lĕ.

Yêrêmi 37:3

Hađăch Sêdêkia prơh hăn Y-Jêhukal, kon bu klâu Y-Sêlêmia, jêh ri kôranh ƀư brah Y-Sêphania, kon bu klâu kôranh ƀư brah Y-Maseya, hăn tât ngơi ma nơm mbơh lor Y-Yêrêmi: “Yor phung hên dăn may mbơh sơm ma Yêhôva Brah Ndu he.”

Yêrêmi 38:5

Hađăch Sêdêkia sĭt lah: “Aơ, păng dôl gŭ tâm ti khân may. Hađăch mâu dơi ƀư nau tâm rdâng đah nau khân may ŭch mĭn ôh.”

Yêrêmi 52:8

Ƀiălah phung tahan Kaldê hăn tĭng jêh ri tĭng ban nhŭp hađăch Sêdêkia tâm neh lâng Yêrikô; phung tahan chalơi hađăch, nchuăt du pru.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Nau Kơp Bunuyh 23:17

Y-Balaam plơ̆ sĭt ma Y-Balak, saơ păng jêh ri phung kôranh chiă uănh n'gor Môap dâk dăch ndơ păng ƀư brah gŭch. Y-Balak lah ma păng: “Moh nau Brah Yêhôva hŏ ngơi?”

Markôs 6:20

yorlah Hêrôt klach ma Y-Yôhan, gĭt jêh păng jêng bunuyh sŏng srăng jêh ri bunuyh kloh ueh, rĭ dĭng king n'gang ma păng. Hađăch ŭch iăt Y-Yôhan ngơi, nđâp tơlah ăp tơ̆ jêh iăt nuih n'hâm hađăch vay rŭng răng.