Yêrêmi 36:32 - Nau Brah Ndu Ngơi 2023

³² Y-Yêrêmi sŏk đŏng du ndrom samƀŭt ntâu êng ăn ma kôranh nchih samƀŭt Y-Baruk, kon bu klâu Y-Nêria. Păng nchih tay tĭng lĕ rngôch nau bơh mbung Y-Yêrêmi hŏ geh nchih jêh nau ngơi tâm ndrom samƀŭt ntâu Y-Jêhôjakim, hađăch Yuđa, hŏ su jêh tâm ŭnh. Păng kơi ntop âk nau ngơi ƀoi nĕ.

Yêrêmi 36:32 ပူးပေါင်းရင်းမြစ်များ

Nau Ngluh Êjipt 34:1

Brah Yêhôva ngơi ma Y-Môis: “Trah hom bar rlat lŭ nâm bu bar rlat alor, jêh nây Gâp mra nchih ta klơ bar rlat aơ lĕ nau ngơi hŏ geh ta klơ bar rlat may mbang nchah lơi jêh.

Yêrêmi 36:18

Y-Baruk sĭt lah: “Păng rŏ an ma gâp nau ngơi aơ, jêh ri gâp dŏng dak ôch nchih ta ndrom samƀŭt ntâu.”

Yêrêmi 36:23

Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Yêrêmi 36:4

Y-Yêrêmi kuăl Y-Baruk, kon bu klâu Y-Nêria, tât. Yêrêmi rŏ ăn ma Y-Baruk nchih ta ndrom samƀŭt lĕ rngôch nau Brah Yêhôva lah jêh ma păng.

Daniel 3:19

Rnôk nây, Nêbukatnetsar ji nuih pal muh măt, uănh ma Y-Sadrak, Y-Mêsăk, Y-Abetnêgô jêh ri đă su ŭnh năk duh pơh tơ̆ ktang lơn tĭng nâm bu vay ƀư.

Daniel 7:1

Năm rơh nguay rnôk rô̆ hađăch Belsasar, n'gor bri Babilôn, dôl gŭ bê̆ch ta klơ sưng bê̆ch, Y-Daniel saơ nau mbơi jêh ri nau tâm saơ tâm bôk păng. Păng nchih gay nkoch tay nau mbơi nây.

Kan Lêvi 26:18

Tơlah tât kơt nây, ƀiălah khân may ăt mâu iăt đŏng nau Gâp, Gâp mra tâm rmal khân may pơh tơ̆ âk lơn yor nau tih khân may,

Kan Lêvi 26:21

Tơlah khân may hôm tâm rdâng đah Gâp jêh ri mâu ŭch iăt nau Gâp ôh, Gâp mra nkhŭt nau tât ji tưp pơh tơ̆ âk lơn ma khân may yor nau tih khân may.

Kan Lêvi 26:24

Gâp mra tâm rdâng đŏng đah khân may, Gâp nơm yơh mra nkhŭt nau tât ji tưp ma khân may pơh tơ̆ âk lơn yor nau tih khân may.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:22

Gâp jêng Y-Tertius, nơm nchih samƀŭt aơ, mbah jô̆ khâl đah khân may tâm Kôranh Brah.

Nau Tâm Mpơl 22:18

Gâp mbơh ma lĕ rngôch phung tăng nau mbơh lor tâm ndrom samƀŭt aơ pô aơ: Tơlah du huê ntop moh nau tâm lĕ nau aơ, Brah Ndu mra ntop ma păng lĕ nau rêh ni nchih jêh tâm ndrom samƀŭt aơ.