Yêrêmi 36:26 - Nau Brah Ndu Ngơi 2023

²⁶ Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.

Yêrêmi 36:26 ပူးပေါင်းရင်းမြစ်များ

I Phung Hađăch 17:3

“Du hom tă bơh ntŭk nây, hăn tât ta mpeh luh nar jêh ri gŭ krap ta n'hor dak Kêrit, mpeh luh nar dak krong Yurdan.

I Phung Hađăch 17:9

“Hăn hom gơnh tât ma Sarepta jêng tâm ƀon Sidôn, jêh ri gŭ ta nây. Ri Gâp hŏ ntĭnh jêh ma du huê bu ur ndrô gŭ tâm ƀon nây ăn ndơ sa ma may.”

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:14

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 22:26

Hađăch Israel ntăm: “Nhŭp hom Y-Mika njŭn leo păng rlet ma kôranh chiă uănh ƀon Y-Amôn jêh ri ma kon bu klâu hađăch jêng Y-Jôas,

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

II Nau Rêh Jêng 18:26

Lah hom: ‘Hađăch lah krŭng nơm aơ, sŏk piăng let jêh ri dak nau rêh ni gay siăm păng kŏ tât nôk gâp plơ̆ sĭt đăp mpăn.’”

Nau Mprơ Ơm 105:15

“Lơi ta pah tât phung Gâp troch dak ngi, Lơi ƀư djơh ma phung nơm mbơh lor Gâp!”

Nau Mprơ Ơm 121:8

Brah Yêhôva mra mât mray may Dôl luh dôl lăp, Ntơm bơh aƀaơ kŏ tât n'ho ro.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 57:1

Ơ Brah Ndu! Yô̆ nđach ma gâp, yô̆ nđach ma gâp, Yorlah huêng gâp nde krap tâm May! Di yơh, gâp nde krap tâm dâng gui năr May Kŏ tât nau mhĭk rlau lôch.

Nau Mprơ Ơm 64:2

May pôn gâp bơh nau tâm nchră phung ƀai, Bơh ma phung ƀư mhĭk.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 26:24

Ƀiălah Y-Ahikam, kon bu klâu Y-Saphan, ngơi n'gang Y-Yêrêmi, mâu ăn păng khĭt tâm ti phung ƀon lan.

Yêrêmi 36:19

Phung kôranh lah ma Y-Baruk, “May jêh ri Y-Yêrêmi, du krap hom lơi ăn du huê bunuyh gĭt ôh ta ntŭk khân may gŭ.”

Yêrêmi 36:5

Y-Yêrêmi ntĭnh ma Y-Baruk: “Gâp bu buay, mâu dơi lăp tâm ngih Brah Yêhôva ôh.

Yêrêmi 38:6

Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Yôhan 11:57

Phung kôranh ƀư brah toyh jêh ri phung Pharisi ntăm jêh: tơlah mbu nơm gĭt ntŭk Brah Yêsu gŭ, ăn păng mbơh ma bu gĭt, gay khân păng nhŭp Păng.

Yôhan 7:32

Phung Pharisi tăng lĕ nau phung ƀon lan ngơi ƀŭk dŭk suyh ma Brah Yêsu, pôri khân păng jêh ri kôranh ƀư brah toyh njuăl phung kôranh king n'gang ngih brah hăn nhŭp Brah Yêsu.

Yôhan 8:20

Brah Yêsu lah lĕ nau aơ ta ntŭk n'gân lĕ thŭng prăk nhhơr, dôl nti lah tâm ngih brah. Ƀiălah mâu geh bunuyh nhŭp Păng ôh yorlah mông Păng ê hŏ tât.

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Kôranh Oh Mon 12:11

Y-Pêtrôs kah gĭt jêh ri lah: “Aƀaơ aơ gâp gĭt n'hêl nanê̆ Kôranh Brah njuăl tông mpăr Păng hăn rklaih gâp bơh ti hađăch Hêrôt jêh ri bơh lĕ nau phung Yuđa kâp gân.”