Yêrêmi 36:24 - Nau Brah Ndu Ngơi 2023

²⁴ Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Yêrêmi 36:24 ပူးပေါင်းရင်းမြစ်များ

Nau Ntơm 37:29

Nôk Y-Ruben plơ̆ tay ta ntu nây, mâu saơ ôh Y-Yôsep gŭ tâm dâng nây, pôri păng nkhêk ao păng nơm,

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 1:11

Y-Đavit khêk ao păng nơm; lĕ rngôch phung tĭng ndô̆ păng tâm ban lĕ ƀư pônây da dê.

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

Ndrom Samƀŭt bơh Yôp 15:4

May mƀăr lơi nau klach yơk ma Brah Ndu, Ƀư bâp lơi nau ŭch mĭn tanăp măt Păng.

Nau Mprơ Ơm 36:1

Nau tih phung mhĭk lah tâm nuih n'hâm pô aơ, Mâu geh nau klach yơk ma Brah Ndu ôh.

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Mprơ Ơm 64:5

Khân păng ŭch ƀư nau mhĭk, Khân păng nchră mĭn sân dăk tâm ntŭk ndâp ƀư mhĭk bunuyh. Khân păng lah pô aơ: “Mbu nơm mra dơi saơ?”

Nau Ngluh Êjipt 7:23

Pharaôn plơ̆ sĭt ta ngih hađăch, păng mâu chrê ôh ma nau nây.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 36:22

Y-Êliakim, kon bu klâu Y-Hilkia, kôranh mât uănh ngih hađăch, ndrel ma Y-Sêpna jêng kôranh nchih samƀŭt, jêh ri Y-Jôa jêng kôranh kâp nchih nau tât, kon bu klâu Y-Asap, nkhêk bok ao khân păng, plơ̆ sĭt tâm mâp đah hađăch Hêsêkia jêh ri nkoch tay ma păng lĕ nau Y-Rabshakeh ngơi.

Êsai 37:1

Tơlah hađăch Hêsêkia tăng nau nây, păng nkhêk bok ao păng ro, nsoh ao ƀau jêh ri lăp tâm ngih Brah Yêhôva.

Yêrêmi 36:16

Ƀiălah, tăng jêh lĕ rngôch nau ngơi, khân păng klach tâm rle uănh ndrăng nơm jêh nây lah ma Y-Baruk; “Hên mra mbơh ma hađăch lĕ nau ngơi aơ.”

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Mathay 12:41

Tâm nar phat dôih, phung Ninive mra dâk ndrel ma bunuyh rnôk aƀaơ aơ jêh ri tâm rmal khân păng, yorlah phung ƀon lan nây hŏ tăng jêh nau Y-Yôna mbơh nkoch jêh ri rmal nau tih, ƀiălah ta aơ geh du huê bunuyh toyh lơn ma Y-Yôna!

Samƀŭt Pôl Njuăl Ăn Ma Phung Nsing Ta Ƀon Rôm 3:18

“Nau klach yơk ma Brah Ndu mâu gŭ tanăp khân păng ôh.”