Yêrêmi 36:23 - Nau Brah Ndu Ngơi 2023

²³ Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Yêrêmi 36:23 ပူးပေါင်းရင်းမြစ်များ

I Phung Hađăch 22:27

jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Nau Hôr 1:30

Mâu lĕ ŭch tĭng nau gâp ntĭm nti, Jêh ri mưch rmot lĕ nau gâp nduyh;

Nau Hôr 13:13

Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Nau Hôr 19:21

Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 5:12

May mra kuăl huy: “Mâm gâp hŏ rmot ma nau ntĭm nti, Jêh ri nuih n'hâm gâp mưch ma nau nduyh!

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 36:27

Jêh hađăch su lơi ndrom samƀŭt ntâu nây geh nau ngơi Y-Baruk hŏ nchih tay tĭng nau rŏ bơh mbung Y-Yêrêmi, geh nau Brah Yêhôva lah ma Y-Yêrêmi kơt aơ:

Yêrêmi 36:28

“May sŏk hom du ndrom samƀŭt ntâu êng jêh ri nchih tay lĕ rngôch nau ngơi hŏ nchih jêh tâm ndrom samƀŭt saơm Y-Jêhôjakim, hađăch Yuđa, hŏ su jêh.

Nau Tâm Mpơl 22:19

Bi tơlah du huê n'hŭch du nau ngơi tâm lĕ nau tă bơh ndrom samƀŭt nau mbơh lor aơ, Brah Ndu mra sŏk lơi nau păng dơn ma tơm si nau rêh jêh ri ƀon kloh ueh nây tĭng nâm bu hŏ nchih jêh tâm ndrom samƀŭt aơ.