Yêrêmi 35:6 - Nau Brah Ndu Ngơi 2023

⁶ Ƀiălah khân păng plơ̆ lah: “Hên mâu mra nhêt ôh ndrănh, yorlah chô yau hên jêng Y-Jêhônadap, kon bu klâu Y-Rêkap hŏ ntĭnh jêh ma hên pô aơ: ‘Khân may jêh ri kon sau khân may lơi ta nhêt ôh ndrănh,

Yêrêmi 35:6 ပူးပေါင်းရင်းမြစ်များ

Nau Ntơm 25:27

Lah bar hê kon se nây văch ma toyh, Y-Êsau jêng du huê bunuyh gru blau pănh, ŭch hăn nsong tâm mir lŏ, bi Y-Yakôb jêng bunuyh rdơ̆ rbăn, vay gŭ tâm ngih bok.

Nau Ntơm 36:7

Yorlah drăp ndơ khân păng âk ngăn, kŏ tât khân păng mâu dơi ôh dơi rêh ndrel; n'gor khân păng gŭ nây mâu dơi tŏng ôh ma lĕ phung mpô mpa rong khân păng.

II Phung Hađăch 10:15

Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

II Phung Hađăch 10:23

Jêh nau nây, Y-Jêhu lăp tâm ngih brah Baal ndrel ma Y-Jêhônadap, kon bu klâu Y-Rêkap. Păng lah ma phung yơk mbah ma brah Baal pô aơ: “Sek uănh hom ăn nanê̆, uănh ta aơ geh lĕ bunuyh pah kan ma Brah Yêhôva ta nklang khân may mâu lah mâu; ƀiălah knŏng ma phung yơk mbah ma brah Baal nây dơm.”

I Nau Rêh Jêng 16:19

Dôl nôk nây, khân may knŏng jêng du rnoh djê̆ bunuyh, Jêng phung bu năch tâm n'gor nây;

I Nau Rêh Jêng 2:55

Lĕ ndŭl mpôl phung blau nchih samƀŭt gŭ ta ƀon Jabes jêng ndŭl mpôl Tirat, ndŭl mpôl Simêat, jêh ri ndŭl mpôl Sukat. Nây jêng phung Kênit, noi deh ma Y-Hamat, chô yau ma ngih Rêkap.

Nau Mprơ Ơm 105:12

Rnôk nây khân păng knŏng jêng du rnoh djê̆ bunuyh. Jêng phung bu năch tâm n'gor,

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Yêrêmi 35:10

ƀiălah ăn hên gŭ tâm vâl bok. Hên hŏ tông bâr jêh ri tĭng ƀư lĕ ntil chô yau hên jêng Y-Jêhônadap ntĭnh nti jêh.

Yêrêmi 35:14

Nau Y-Jêhônadap, kon bu klâu Y-Rêkap, ntĭnh ma phung kon sau păng mâu dơi nhêt ôh ndrănh, khân păng hŏ iăt jêh nau, kŏ tât nar aơ khân păng mâu nhêt ôh ndrănh yorlah hŏ tông jêh nau chô yau khân păng ntăm. Bi Gâp, Gâp lah ƀaƀơ ma khân may ƀiălah khân may mâu iăt ôh nau Gâp.

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.

Phung Kôranh Phat Dôih 13:14

Păng lơi ta sa moh ntil ndơ tă bơh đang krăk ƀâu, lơi ta nhêt ôh ndrănh mâu lah moh ndơ nhêt geh ndrui, jêh ri tâm ban đŏng lơi ta sa ôh moh ndơ ƀơ̆. Ăn păng djôt prăp lĕ nau gâp hŏ ntĭnh ntăm jêh.”

Phung Kôranh Phat Dôih 13:7

Ƀiălah păng lah ma gâp pô aơ: ‘Aơ, ay mra ntreo jêh ri deh ma du huê kon bu klâu. Pônây aƀaơ, lơi ta nhêt ôh ndrănh mâu lah moh ndơ nhêt geh ndrui, jêh ri tâm ban đŏng lơi ta sa ôh moh ndơ ƀơ̆, yorlah bu klâu aơ mra jêng Nasirit ma Brah Ndu ntơm tă bơh tâm ndŭl me păng kŏ tât nar păng khĭt.’”